DAVLAT TEST MARKAZI

O'zbekiston Respublikasi Vazirlar Mahkamasi

DAVLAT TEST MARKAZI

Tadbirlar

RSS
  • Davlat test markazi tomonidan o‘tkazilgan ommaviy tadbirlar

    Joriy yilning 5 iyul kuni O‘zbekiston Respublikasi Mudofaa vazirligi, Ichki ishlar vazirligi, Milliy xavfsizlik xizmati va Davlat bojxona qo‘mitasiga qarashli jami 10 ta oliy harbiy ta'lim muassasasida test sinovlari o‘tkazildi. Test sinovlari O‘zbekiston Respublikasi Vazirlar Mahkamasining 2014 yil 3 iyundagi 141-sonli qarori bilan tasdiqlangan “O‘zbekiston Respublikasi oliy harbiy ta'lim muassasalariga tanlash tartibi va qabul qilish qoidalari to‘g‘risida Nizom” asosida amalga oshirildi.

    Oliy harbiy ta'lim muassasalariga xujjat topshirgan 7680 nafar abituriyent test sinovlariga ishtirok etdi. Ushbu muhim tadbirda 838 nafar davlat test markazi vakillari va auditoriya nazoratchilari jalb etildi. Test sinovlari barcha oliy harbiy ta'lim muassasalarida amaldagi tartibda belgilangan vaqtda boshlandi va yakunlandi.

     

    O‘zbekiston Respublikasi Prezidentining 2010 yil 4 avgustdagi “O‘zbekiston Respublikasi Qurolli Kuchlar Akademiyasini isloh qilish chora-tadbirlari haqida”gi PQ-1384s qarori ijrosi yuzasidan O‘zbekiston Respublikasi Mudofaa vazirligining 2017 yil 31 maydagi  “O‘zbekiston Respublikasi Qurolli Kuchlar Akademiyasiga kirish imtihonlarini o‘tkazish haqida”gi 529-son buyrug‘iga muvofiq hamda O‘zbekiston Respublikasi Adliya vazirligi tomonidan 2013 yil 29 iyulda 2496 raqami bilan ro‘yxatdan o‘tkazilgan Toshkent tibbiyot akademiyasi huzuridagi Harbiy-tibbiyot fakultetiga nomzodlarni qabul qilishda test sinovlarini tashkil etish va o‘tkazish tartibi to‘g‘risidagi nizomga muvofiq O‘zbekiston Respublikasi Qurolli Kuchlar Akademiyasiga va Toshkent tibbiyot akademiyasi huzuridagi Harbiy-tibbiyot fakultetiga nomzodlarni qabul qilish bo‘yicha test sinovlari o‘tkazildi.

     

    O‘zbekiston Respublikasi Prezidentining “2017/2018 o‘quv yilida oliy ta'lim muassasalariga qabul to‘g‘risida”gi Qaroriga muvofiq 1 avgust kuni 59 oliy ta'lim muassasalari va ularning 12 ta filialida qabul test sinovlari o‘tkazildi.

    Joriy yilda oliy ta'lim muassasalariga 729 947 (2016 yilda – 663 304) nafar abituriyent hujjat topshirgan, shulardan 7 725 (2016 yilda – 7 521) nafari muddatli harbiy xizmatni tugatgan harbiy imtiyozga ega abituriyentlardir.

    O‘rtacha tanlov 1 o‘ringa 11,0 (2016 yilda – 11,05) tani tashkil etdi.

    Test sinovlarini o‘tkazish maqsadida 744 271 (2016 yilda – 676 ming) dona individual test savollari komplekti tayyorlandi.

    Test sinovlari 1 080 (2016 yilda – 889) ta binoda joylashgan maxsus 21 765 (2016 yilda – 19 830) ta auditoriyada o‘tkazildi. Davlat test markazi va tegishli xizmat organlari bilan hamkorlikda test sinovi o‘tkazish tartibiga so‘zsiz amal qilish bo‘yicha zarur choralar qabul qilindi.

    Jamoatchilik xavfsizligini ta'minlash uchun 17 317 (2016 yilda – 16 060) nafar ichki ishlar xodimlari, 1 848 (2016 yilda – 1 276) ta avtotransport vositalari (jumladan, 84 (2016 yilda – 33) ta yong‘inga qarshi ekipaj, 362 (2016 yilda – 326) dona tez tibbiy yordam  avtomashinalari) jalb qilindi.

    Test sinovlariga 11 698 (1,6 %) (2016 yilda – 5 163 (0,8%)) nafar abituriyent qatnashmadi, 2 764 (0,38 %) (2016 yilda – 714 (0,1%)) nafari test sinovi topshirish tartibini buzganligi sababli jarayondan chetlashtirildi.

    Test sinovlari jarayonida natijaga ta'sir etuvchi qoidabuzarlik holatlari qayd etilmadi. Test materiallari shu kunning o‘zida Davlat test markaziga yetkazildi.

     

    Davlat test markazi tomonidan 2017 yil 25 avgust kuni O‘zbekiston Respublikasi Korporativ boshqaruv ilmiy-ta'lim markazida Biznesni boshqarish magistraturasiga kiruvchilar uchun test sinovlar o‘tkazildi.

    Tadbirda 115 nafar nomzod ishtirok etdi. Test sinovi natijalari o‘z vaqtida hisoblandi va mas'ul vakillarga taqdim etildi.

     

    O‘zbekiston Respublikasi Vazirlar Mahkamasining 2013 yil 16 sentyabrdagi “O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomni tasdiqlash haqida”gi 255-sonli qaroriga asosan O‘zbekiston Respublikasi Bank-moliya akademiyasi magistraturasiga qabul uchun test sinovlari 2017 yil 10 sentyabr kuni o‘tkazilishi rejalashtirilmoqda.

    Test sinovi «Mutaxassliklik», «Demokratik davlat va fuqarolik jamiyati qurish nazariyasi va amaliyoti asoslari» va «Ingliz tili» fanlaridan o‘tkaziladi.

    Axborot xizmati

    Yuklab olish (PDF, 16Kb)

     

     2017-09-15

    Прочитали: 140

    to'liqroq
  • “Faoliyati litsenziyalangan nodavlat ta'lim muassasalarida litsenziya bitimida belgilangan talab va shartlarning bajarilishi ijrosi: muammo, takliflar va yechimlar” mavzusida ochiq yig‘ilish

    2017 yil 15 mart kuni O‘zbekiston Respublikasi Vazirlar Mahkamasi huzuridagi Davlat test markazida  “Faoliyati litsenziyalangan nodavlat ta'lim muassasalarida litsenziya bitimida belgilangan talab va shartlarning bajarilishi ijrosi: muammo, takliflar va yechimlar” mavzusida ochiq yig‘ilish tashkil etildi. Ochiq yig‘ilishda Davlat test markazining mas'ul xodimlari, ommaviy axborot vositalari vakillari, nodavlat ta'lim muassasalari vakillari (ro‘yxat bo‘yicha) ishtirok etishdi. Ochiq yig‘ilish kun tartibida quyidagi masalalar muhokama qilindi:

    1. Nodavlat ta'lim muassasalarida litsenziya bitimida belgilangan talab va shartlarning bajarilishi haqida. (Olimbekov Zafarbek – bo‘lim boshlig‘i o‘rinbosari)

    2. NTM va Davlat test markazi o‘rtasida ma'lumotlar almashinuvining ON-LINE tarzda yo‘lga qo‘yilishi: dasturiy ta'minot bilan ishlash holati, muammolar va kelgusidagi vazifalar. (Olimbekov Zafarbek – bo‘lim boshlig‘i o‘rinbosari)

    3. NTM bitim ijrosining bajarilishi yuzasidan o‘tkazilgan tekshirishlar natijasi: muammo va takliflar (Mansurova Dilara – bosh ekspert)

     

    Ochiq yig‘ilishda O‘zbekiston Respublikasi Vazirlar Mahkamasi huzuridagi Davlat test markazi direktori Ismailov Jaxongir Gafurovich ishtirok etdi va nutq so‘zladi.

    Assalomu alaykum hurmatli xamkasblar, nodavlat ta'lim muassasalari vakillari! Avvalo barchangizni yaqinlashib kelayotgan bahor ayyomi – Navro‘zi olam bilan tabriklayman. Navro‘z barchaning xonodoniga fayzu baraka va to‘kinlik olib kelsin!

    Bugungi ochiq yig‘ilishimiz mavzusi “Faoliyati litsenziyalangan nodavlat ta'lim muassasalarida litsenziya bitimida belgilangan talab va shartlarning bajarilishi ijrosi: muammo, takliflar va yechimlar” deb nomlanadi. Ma'lumki, litsenziya olish jarayonida nodavlat ta'lim muassasalar va Ishchi organ o‘rtasida litsenziya bitimi rasmiylashtiriladi. Mazkur bitimda litsenziyalovchi organ va litsenziatning o‘zaro huquqlari hamda majburiyatlari, shuningdek, litsenziya talab va shartlari yoritiladi. Vazirlar Mahkamasining nodavlat ta'lim muassasalari faoliyatini litsenziyalash komissiyasining yig‘ilish bayoni bilan litsenziatlarning litsenziya talab va shartlarini bajarilishini nazorat qilish vazifasi Davlat test markazi zimmasiga yuklatilgan. Mazkur vazifalar ijrosini ta'minlash jarayonida nodavlat ta'lim muassasalari tomonidan qator kamchilik va qonun hujjatlari buzilishlariga yo‘l qo‘yilayotganiga guvoh bo‘ldik. Bugungi ochiq yig‘ilishni o‘tkazishdan asosiy maqsad - litsenziya talab va shartlarini bajarishda yuzaga kelayotgan muammolarni bartaraf etish hamda mavjud muammolar yechimini topishdan iborat. Ushbu masala bo‘yicha so‘z bo‘lim boshlig‘i o‘rinbosari Z.Olimbekovga beriladi.

     

    Kun tartibidagi 1-masala: Z.Olimbekov ma'ruzasi.

    Nodavlat ta'lim muassasalari faoliyati O‘zbekiston Respublikasi Vazirlar Mahkamasining 2004 yil 1 martdagi “Nodavlat ta'lim muassasalari faoliyatini litsenziyalash to‘g‘risidagi nizomni tasdiqlash haqida”gi 100-son qarori bilan tartibga solinadi. Unga ko‘ra litsenziyalarni berish, litsenziyaning amal qilishini to‘xtatib turish yoki tugatish, shuningdek uni bekor qilish va qayta rasmiylashtirish to‘g‘risidagi qarorlar qabul qilinadi. Davlat test markazining Kadrlar tayyorlash sifatini nazorat qilish, pedagog kadrlarni va ta'lim muassasalarini attestatsiyadan o‘tkazish boshqarmasi komissiyaning ishchi organi funksiyasini bajaradi. Litsenziya nodavlat ta'lim muassasalariga ta'limning har bir turi uchun alohida beriladi.

    Ayni paytda, Respublikamizda Vazirlar Mahkamasining nodavlat ta'lim muassasalari faoliyatini litsenziyalash komissiyasi tomonidan 712 nafar nodavlat ta'lim muassasalari faoliyati litsenziyalangan. Shulardan, 220 tasi maktabgacha, 41 tasi umumiy o‘rta, 77 tasi maktabdan tashqari, 373 tasi kadrlar malakasini oshirish va ularni qayta tayyorlash, 1 tasi oliy ta'lim muassasasi hisoblanadi.

    Nodavlat ta'lim muassasalari litsenziyasini olish jarayonida ishchi organ va litsenziat o‘rtasida litsenziyalovchi organ va litsenziatning o‘zaro huquqlari hamda majburiyatlarini belgilovchi litsenziya bitimi tuziladi va unda quyidagilar yoritiladi:

    bitimni imzolagan shaxslarning familiyasi, ismi, otasining ismi, lavozimi;

    tomonlarning rekvizitlari;

    amalga oshirilishiga litsenziya berilayotgan aniq litsenziyalanayotgan ta'lim turining va ta'lim faoliyati yo‘nalishlari ro‘yxati nomi;

    litsenziyaning amal qilish muddati;

    litsenziatga qo‘yiladigan litsenziya talablari va shartlari;

    litsenziat tomonidan ta'lim faoliyatini amalga oshirish joyi (pochta manzili);

    litsenziya bitimi talablari va shartlari buzilganligi uchun tomonlarning javobgarligi;

    litsenziat tomonidan litsenziya bitimi talablari va shartlari bajarilishini ishchi organ tomonidan nazorat qilish tartibi.

    Litsenziya bitimi ikki nusxada — litsenziat va ishchi organ uchun bir nusxadan tuziladi.

    Nodavlat ta'lim muassasalari faoliyatini litsenziyalash to‘g‘risida NIZOMning 25-moddasida Litsenziya shartlari va talablariga litsenziat tomonidan rioya etilishini nazorat qilish qonun hujjatlarida belgilangan tartibda ishchi organ tomonidan amalga oshirilishi belgilangan.

    Litsenziya talab va shartlariga ko‘ra nodavlat ta'lim muassasalari quyidagilarni barishi shart:

    - O‘zbekiston Respublikasining ta'lim sohasidagi qonun hujjatlariga majburiy rioya qilish;

    - ta'lim dasturlarini davlat ta'lim standartlari (umumiy o‘rta, o‘rta maxsus, kasb-hunar va oliy ta'lim muassasalari uchun) va davlat talablari (maktabgacha, maktabdan tashqari hamda kadrlar malakasini oshirish va ularni qayta tayyorlash ta'lim muassasalari uchun)ga muvofiq amalga oshirish;

    - ta'limning majburiy ravishda dunyoviy xarakterda bo‘lishi, ta'lim jarayonida urushni, zo‘ravonlikni targ‘ib qilishdan foydalanishga, fuqarolarning konstitutsiyaviy huquq va erkinliklari kamsitilishiga, mamlakatdagi xavfsizlikka va ijtimoiy-siyosiy barqarorlikka, jamiyatning huquqiy va ma'naviy asoslariga, fuqarolar osoyishtaligiga, millatlararo va dinlararo totuvlikka rahna solinishiga, O‘zbekiston to‘g‘risida noto‘g‘ri axborotlar tarqatilishiga hamda uning tarixiy, madaniy va ma'naviy qadriyatlari buzib ko‘rsatilishiga yo‘l qo‘ymaslik;

    - litsenziya talabgorida litsenziyalanayotgan faoliyatni bajarish uchun mo‘ljallangan, unga mulkiy yoki boshqa ashyoviy huquq bilan tegishli bo‘lgan, belgilangan talablarga muvofiq binolar (xonalar)ning mavjudligi;

    - nodavlat ta'lim muassasalarida fanlarni tegishli bazaviy ma'lumotga ega bo‘lgan, chet tillarni o‘rganish bo‘yicha o‘quv kurslarini tashkil etish sohasida esa, shuningdek O‘zbekiston Respublikasi Vazirlar Mahkamasi huzuridagi Davlat test markazi tomonidan beriladigan davlat namunasidagi chet tilini bilishi va egallab olganligi darajasi to‘g‘risidagi malaka sertifikati mavjud bo‘lgan shaxslar tomonidan o‘qitish;

    - o‘quv va tarbiya jarayonini davlat ta'lim standartlariga (davlat talablariga), o‘quv rejalariga va ta'lim dasturlariga muvofiq tashkil etish;

    - litsenziya talabgorida ta'lim dasturlarining belgilangan darajasini amalga oshirish uchun zarur bo‘lgan o‘quv, o‘quv-metodik adabiyotlar va boshqa kutubxona-axborot resurslari hamda ta'lim jarayonlarini ta'minlash vositalari mavjudligi;

    - auditoriyalarni, o‘quv xonalarini zamonaviy axborot-kommunikatsiya asbob-uskunalari, o‘qitishning texnik vositalari va anjomlar bilan jihozlash.

    - O‘zbekiston Respublikasi qonunlari ijrosi doirasida Ishchi organ tomonidan, o‘z vakolatlaridan kelib chiqqan holda, berilgan taklif va ko‘rsatmalarni o‘z vaqtida bajarish hamda amalga oshirilgan ishlar to‘g‘risida yozma ma'lumot taqdim etish;

    Litsenziat qayta tashkil etilgan, uning nomi yoki joylashgan joyi va faoliyat yuritish manzili (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin 1 (bir) oy muddatda ishchi organga ko‘rsatib o‘tilgan ma'lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.

    Ishchi organ tomonidan litsenziya talablari va shartlariga rioya etilishini nazorat qilishni nodavlat ta'lim muassasasi attestatsiyasi va davlat akkreditatsiyasi orqali, rejali inspeksiya tekshiruvi orqali, rejadan tashqari inspeksiya tekshiruvi orqali amalga oshiradi.

    Shunga ko‘ra, Davlat test markazi 2016 yilda jami 60 ta: shundan, 35 tasi attestatsiya va akrreditatsiya qilish orqali, 25 tasi ommaviy axborot vositalari orqali beriladigan reklamalar orqali nazorat qildi. 2017 yilning 1 choragida 7 ta nodavlat ta'lim muassasalar tomonidan litsenziya talab va shartlariga amal qilish holati attestatsiya orqali, 1 ta nodavlat ta'lim muassasasi faoliyati rejadan tashqari o‘rganildi.

    O‘rganish natijasida quyidagilar ma'lum bo‘ldi:

    -         muassasalar tomonidan litsenziyalanmagan ta'lim yo‘nalishlari bo‘yicha faoliyat olib borilishi;

    -         muassasalar tomonidan bitimda ko‘rsatilmagan manzillarda faoliyatni tashkil etilishi;

    -         yuridik manzil o‘zgarsada, litsenziyani qayta rasmiylashtirmasdan faoliyatni olib borilishi;

    -         muassasalarda xorijiy tillar yo‘nalishi bo‘yicha O‘zbekiston Respublikasi Vazirlar Mahkamasi huzuridagi Davlat test markazi tomonidan beriladigan chet tilini bilishi va egallab olganligi darajasi to‘g‘risidagi davlat namunasidagi malaka sertifikatiga ega bo‘lmagan yoki tayanch ma'lumoti mos kelmagan pedagoglar tomonidan olib borilishi.

    Faoliyati o‘rganilgan barcha nodavlat ta'lim muassasalariga aniqlangan kamchiliklarni bartaraf etish uchun muddatlar belgilandi va muassasalar tomonidan kamchiliklarni bartaraf etish bo‘yicha chora-tadbirlar rejasi Davlat test markaziga taqdim etildi.

     

    Kun tartibidagi 2-masala: Z.Olimbekov ma'ruzasi.

    Davlat test markazi bilan nodavlat ta'lim muassasalari o‘rtasida elektron axborot almashish maqsadida ishlab chiqilgan dasturiy ta'minot ochiq yig‘ilish ishtirokchilariga taqdim etildi. Nodavlat ta'lim muassasalari ma'lumotlarni ON-LINE tarzida Davlat test markaziga taqdim etishlari ta'kidlandi.

    Nodavlat ta'lim muassasalari ta'lim muassasasida tahsil olayotgan tinglovchilar to‘g‘risidagi ma'lumotlarni ta'lim yo‘nalishlari kesimida taqdim etib borishadi. Agar Litsenziya bitimida ko‘rsatilgan yo‘nalishlar oynada mavjud bo‘lmasa 234-64-21 telefoni orqali Davlat test markaziga ma'lum qilinadi va tegishli yozuvlar kiritiladi.

    Ma'lumotlaryilning har kvartali oxirgi 10 kunligida (20-30 mart, 20-30 iyun, 20-30 sentyabr, 20-30 dekabr) yangilanib borishi va bu haqida 234-64-21 telefon orqali Davlat test markaziga axborot berib boriladi.

    Nodavlat ta'lim muassasalari Davlat test markazi bilan ma'lumot almashinishi uchun elektron manzillar:

    A) Kadrlar malakasini oshirish va ularni qayta tayyorlash ta'lim turidagi nodavlat ta'lim muassasalari uchun:

    licenseMO@dtm.uz

    B) Maktabgacha ta'lim turidagi nodavlat ta'lim muassasalari uchun:

    licenseMT@dtm.uz

    V) Umumiy o‘rta ta'lim turidagi nodavlat ta'lim muassasalari uchun:

    licenseUM@dtm.uz

    G) Maktabdan tashqari ta'lim turidagi nodavlat ta'lim muassasalari uchun:

    licenseTT@dtm.uz

    Kun tartibidagi 3-masala: D.Mansurova ma'ruzasi.

    O‘zbekiston Respublikasi Vazirlar Mahkamasi Bosh Vazir o‘rinbosari A.Ikramov tomonidan tasdiqlangan 2015-2020 o‘quv yillarda attestatsiyadan o‘tuvchi O‘zbekiston Respublikasi Xalq ta'limi vazirligi, boshqa vazirlik va idoralar tasarrufidagi hamda nodavlat ta'lim muassasalari bo‘yicha rejasiga asosan 2017 yil yanvar oyidan xozirgi kunga qadar attestatsiyadan o‘tkazilishi rejalashtirilgan nodavlat ta'lim muassasalari bo‘yicha quyidagilar aniqlandi:

    3ta nodavlat ta'lim muassasalari turli sabablarga (masalan ijara shartnomasi muddati, ta'mirlash ishlari o‘tkazilishi va boshqalar) ko‘ra ta'sischi qaroriga asosan vaqtincha faoliyati to‘htatilgan, attestatsiya jarayoni qoldirilgan, bunday xolatlarda o‘z vaqtida yig‘ilish bayonnomasi qarorini Davlat test markaziga taqdim etish lozim.

    2ta nodavlat ta'lim muassasalarining faoliyati umuman to‘htatilgan, bunday xolat Davlat test markaziga ma'lum qilinishi va litsenziyasi Davlat test markaziga qaytarib berilishi lozim.

    2017 yilning birinchi choragi bo‘yicha 7ta nodavlat ta'lim muassasalarining attestatsiyasi o‘tkazildi va Attestatsiya natijalariga ko‘ra 6tasi bo‘yicha attestatsiya komissiyasi tomonidan “Attestatsiyadan o‘tdi” degan qaror qabul qilingan, 1ta nodavlat maktabgacha ta'lim muassasasi bo‘yicha esa attestatsiya natijalariga ko‘ra yetarli ball to‘play olmaganligi sababli Attestatsiyadan komissiyasi tomonidan “Attestatsiyadan shartli o‘tdi” degan qaror qabul qilingan.

    Xozirgi kunda 5ta nodavlat ta'lim muassasalarda attestatsiya jarayoni o‘tkazilmoqda. Attestatsiya jarayonida bevosita 4ta nodavlat maktabgacha va 1 ta boshlang‘ich ta'lim (1-4 sinf) muassasalarning attestatsiya jarayonida bevosita ishtirok etildi va attestatsiyadan o‘tuvchi xar bir nodavlat ta'lim muassasaning Litsenziya bitimining II bo‘limida keltirilgan litsenziatga qo‘yiladigan litsenziya talablari va shartlarini bajarilishi tahlil qilindi va aniqlangan kamchiliklar bo‘yicha quyidagi uslubiy ko‘rsatmalar hamda takliflar berildi:

    1.Maktabgacha ta'lim muassasalarii ta'lim faoliyatini faqatgina litseziya bitimida ko‘rsatilgan guruxlarda yoki umumiy ta'lim (1-4sinf, 1-9 sinflarda) yuritishlari mumkin, agarda to‘liq (1-9sinf) qo‘shimcha boshqa guruxlar, yoki qisqa muddatli guruxlar tashkil etmoqchi bo‘lsalar litsenziya bitimiga o‘z vaqtida qo‘shimcha va o‘zgartirishlar kiritish uchun Davlat test markaziga murojaat qilishlari lozim.

    2.Ta'lim faoliyatini faqat litsenziya bitimida ko‘rsatilgan manzillarda yuritish lozimligi, agarda boshqa manzillarda faoliyat yuritmoqchi bo‘lsangiz albatta litsenziya bitimiga o‘z vaqtida qo‘shimcha va o‘zgartirishlar kiritish uchun DTMga murojaat qilishlari lozim.

    3.Xar bir seminar qatnashchisi mazkur litsenziya bitimini diqqat bilan o‘qigan bo‘lsalar birinchi o‘rinda turgan talablardan biri bu O‘zbekiston Respublikasining ta'lim soxasidagi qonun xujjatlariga majburiy rioya qilish.

    Ushbu bandni ijrosini ta'minlashda, ya'ni O‘zbekiston Respublikasi Prezidentining ta'limga oid Farmon, Qarorlari, va Farmoishlari, Vazirlar Maxkamasining Farmoish va qarorlari, hamda xalq ta'limi vazirligining qarorlari va buyruqlarining ta'lim muassasasi boshqaruviga tadbiq etilishini o‘rganilganda bir qancha muassasalarda ta'lim tarbiya jarayonida mazkur xujjatlar to‘liq emas, mavjudlaridan to‘liq foydalanilmagan. Ta'lim faoliyatiga tegishli amaldagi meyoriy xujjatlar ta'lim boshqaruvida va jarayonida to‘liq fodalanish tavsiya etildi.

    O‘quv va tarbiya jarayonlari Davlat ta'lim standartlariga, Davlat talablariga, Bolajon tayanch dasturi, o‘quv rejalari va ta'lim dasturlariga muvofiq tashkil etilgan, zarur o‘quv, o‘quv metodik adabiyotlar va boshqa kutubxona-axborot resurslari va vositalari mavjud

    O‘rganilgan ta'lim muassassalarda nodavlat ta'lim muassasalar bir qancha pedagog va tarbiyachilarning ma'lumoti Xalq ta'limi vazirligining 2015 yil 27 iyundagi 191-sonli buyrug‘i bilan tasdiqlangan “Xalq ta'limi xodimlari asosiy lavozimlarining malaka tavsiflari”ga mos emas, demak bunday xodimlar qayta tayyorlov kurslarida taxsil olishlari lozim.

    Masalan: Maktabgacha ta'lim muassasasi mudiriga mazkur xujjatga asosan quyidagi malaka talablari belgilangan:

    a) o‘z yo‘nalishi bo‘yicha kamida bakalavr darajasidagi oliy ma'lumot va kichik yoshdagi bolalarni tarbiyalash bo‘yicha kurslarni tugatganlik;

    b) xorijiy tillardan birining boshlang‘ich bosqichini va axborot kommuenikatsiya texnologiyalardan foydalanishni bilishi;

    v) besh yildan kam bo‘lmagan pedagogik ish staji.

    Umumiy o‘rta ta'lim maktabi direktoriga quyidagi malaka talablari belgilangan:

    a) pedagogika yo‘nalishi bo‘yicha kamida bakalavr darajasidagi oliy ma'lumot;

    b) xorijiy tillardan birining boshlang‘ich bosqichini va axborot-kommunikatsiya texnologiyalaridan foydalanishni bilishi;

    v) besh yildan kam bo‘lmagan pedagogik ish staji.

    Fan o‘qituvchilariga belgilangan malaka talablari:

    a) boshlang‘ich sinf o‘qituvchilari uchun boshlang‘ich ta'lim ixtisosligi bo‘yicha kamida o‘rta maxsus pedagogik ma'lumot;

    b) fan o‘qituvchisi uchun fan yo‘nalishiga to‘g‘ri keluvchi kamida bakalavr darajasidagi oliy pedagogik ma'lumot, yoki kamida bakalavr darajasidagi oliy ma'lumot va fan yo‘nalishiga to‘g‘ri keluvchi kursni tugatganlik;

    v) xorijiy tillardan birining boshlang‘ich bosqichini va axborot-kommunikatsiya texnologiyalaridan foydalanishni bilishi.

    4. Nodavlat ta'lim muassasalari har yili 1 yil muddat uchun o‘quv xonalarining yong‘inga qarshi holati talablarga javob berishi haqida IIB Yong‘in xavfsizligi Boshqarmasi tomonidan berilgan xulosani yangilab borishlari lozim.

    5. Nodavlat ta'lim muassasalari har yili 1 yil muddat uchun o‘quv xonalarining sanitariya-gigiena qoidalari talablariga javob berishi haqida Davlat sanitariya epidemiologiya nazorati markazi (DSENM) tomonidan beriladigan xulosasini yangilab borishlari lozim.

    6. O‘qitishning zamonaviy vositalari, o‘quv xonalarini zamonaviy axborot-kommunikatsiya asbob-uskunalari bilan jihozlashni davom ettirish. Maslan: Multimedia jixozlarini ta'lim jarayoniga tadbiq etish.

    7. Ta'lim jarayonini yangi pedagogik va axborot texnologiyalar asosida tashkil etishni davom ettirish va takkomillashtirish.

     

    Ochiq yig‘ilish qichg‘in munozara tarzida o‘tdi (Savol-javoblar):

    1-savol: Jismoniy shaxs repetitorlik bilan shug‘ullansa litsenziya olish talab etiladimi?

    Javob: Jismoniy shaxslar tomonidan repetitorlik faoliyatini olib borish O‘zbekiston Respublikasi hukumati qonunosti hujjatlari bilan tartibga solingan. Jumladan, O‘zbekiston Respublikasi Vazirlar Mahkamasining 2011 yil 7 yanvardagi 6-son qarorida xususiy tadbirkorlar yuridik shaxs tashkil etmasdan repetitorlik xizmati bilan shug‘ullanishi mumkinligi belgilangan. Mazkur qarorga muvofiq xususiy tadbirkorlarga ruxsatnomalar rasmiylashtirish va ularni davlat ro‘yxatidan o‘tkazish, shuningdek, nazorat qilish Tumanlar (shaharlar) hokimliklari huzuridagi tadbirkorlik sub'ektlarini ro‘yxatdan o‘tkazish inspeksiyalari va davlat soliq xizmati organlari zimmasiga yuklatilgan.

    2-savol: Litsenziyaning amal qilish muddatini uzaytirish qanday tartibda amalga oshiriladi?

    Javob: O‘zbekiston Respublikasi Vazirlar Mahkamasining 2004 yil 1 martdagi “Nodavlat ta'lim muassasalari faoliyatini litsenziyalash to‘g‘risidagi nizomni tasdiqlash haqida”gi 100-son qarori bilan tasdiqlangan Nizomning 23-bandida “Litsenziyaning amal qilish muddatini uzaytirish litsenziatning arizasiga ko‘ra amalga oshiriladi” deb belgilangan. Unga ko‘ra, Litsenziyaning amal qilish muddatini uzaytirish to‘g‘risidagi ariza ishchi organga litsenziyaning amal qilish muddati tugagunga qadar ikki oydan kechikmay berilishi kerak.

    Litsenziyaning amal qilish muddatini uzaytirish yoki uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.

    3-savol: Litsenziyaga ega bo‘lgan tadbirkor qo‘shimcha ta'lim yo‘nalishlari kiritmoqchi va qo‘shimcha manzillarda faoliyat olib bormoqchi bo‘lsa qanday ishlarni amalga oshirishi kerak bo‘ladi?

    Javob: O‘zbekiston Respublikasi Vazirlar Mahkamasining 2004 yil 1 martdagi “Nodavlat ta'lim muassasalari faoliyatini litsenziyalash to‘g‘risidagi nizomni tasdiqlash haqida”gi 100-son qarori bilan tasdiqlangan Nizomning 13-bandida Litsenziyalovchi organ va litsenziatning o‘zaro huquqlari hamda majburiyatlarini belgilovchi litsenziya bitimi ishchi organ va litsenziat o‘rtasida tuzilishi belgilangan. Litsenziya bitimida quyidagilar aks etadi:

    bitimni imzolagan shaxslarning familiyasi, ismi, otasining ismi, lavozimi;

    tomonlarning rekvizitlari;

    amalga oshirilishiga litsenziya berilayotgan aniq litsenziyalanayotgan ta'lim turining va ta'lim faoliyati yo‘nalishlari ro‘yxati nomi;

    litsenziyaning amal qilish muddati;

    litsenziatga qo‘yiladigan litsenziya talablari va shartlari;

    litsenziat tomonidan ta'lim faoliyatini amalga oshirish joyi (pochta manzili);

    litsenziya bitimi talablari va shartlari buzilganligi uchun tomonlarning javobgarligi;

    litsenziat tomonidan litsenziya bitimi talablari va shartlari bajarilishini ishchi organ tomonidan nazorat qilish tartibi.

    Yuqoridagilardan kelib chiqqan holda, qo‘shimcha ta'lim yo‘nalishlari kiritmoqchi va qo‘shimcha manzillarda faoliyat olib bormoqchi bo‘lsangiz Ishchi organga litsenziya bitimini o‘zgartirish bo‘yicha ariza bilan murojaat qilishingiz lozim.

    4-savol:Xududiy komissiyalar faqat chet tillarini o‘qitish bo‘yicha litsenziya beradimi va hozirda ular tomonidan nechta nodavlat ta'lim muassasalariga litsenziyalar berildi?

    Javob: O‘zbekiston Respublikasi Vazirlar Mahkamasining 2013 yil 14 iyundagi “Nodavlat ta'lim muassasalarining chet tillarga o‘qitish sohasidagi faoliyatini litsenziyalash tartibini soddalashtirish chora-tadbirlari to‘g‘risida”gi 169-son qaroriga asosan hududiy komissiyalar tomonidan faqat chet tillarni o‘qitish bo‘yicha litsenziyalar beriladi. Agar nodavlat ta'lim muassasalari chet tillarini o‘qitish bilan birga boshqa ta'lim yo‘nalishlari bo‘yicha ham ta'lim faoliyatini tashkil etishni istasa, bu holda Vazirlar Mahkamasining nodavlat ta'lim muassasalari faoliyatini litsenziyalash komissiyasiga hujjat topshirishlari lozim bo‘ladi. Ayni paytda xududiy komissiyalar tomonidan Respublika bo‘yicha 226 ta nodavlat ta'lim muassasasiga litsenziyalar rasmiylashtirilgan.

    5-savol: Fan dasturlarini qayta ishlab chiqqanimizdan so‘ng Davlat test markaziga topshirib komissiya ruhsatini olishimiz shartmi?

    Javob: Nodavlat ta'lim muassasalari Ustavida muassasaning oliy boshqaruv organi sifatida Pedagogik kengash belgilangan va kengash vakolatlari ustavda yoritilgan. Ta'lim yo‘nalishini o‘zgartirmagan holda dasturni Pedagogik kengashda muxokama qilib, Pedagogik kengash qarori asosida ta'lim jarayoniga tadbiq etishingiz mumkin.

    Axborot xizmati

    Yuklab olish (PDF, 32Kb)

     2017-03-18

    Прочитали: 1030

    to'liqroq
  • Davlat test markazida ma’naviy-ma’rifiy tadbir bo’lib o’tdi

    O‘zbekiston Respublikasi Vazirlar Mahkamasi huzuridagi Davlat test markazida O‘zbek xalqining o‘chmas tarixi va oltin merosi hisoblanmish buyuk shaxslarining hayoti va ijodini yanada chuqurroq o‘rganish va anglash maqsadida yozuvchi va shoirlar bilan uchrashuv tashkil qilindi. Tantanali yig‘ilish buyuk mutafakkir, davlat arbobi va shoir Alisher Navoiy tavalludining 576 yilligi hamda shoir, tarixchi va sarkarda Zaxriddin Muxammad Bobur tavalludining 534 yilligi munosabati bilan tashkil qilindi.

    Uchrashuvda O‘zbekiston Yozuvchilar uyushmasi a'zolari adabiyotshunos olimlar – Suvon Meli va Islom Yoqubov, hamda Toshkent davlat o‘zbek tili va adabiyoti universiteti magistratura talabalari Urol Normatov va Zavqiddin Suvonovlar qatnashdilar.

    Tadbirda so‘zga chiqqanlar buyuk ajdodlarimiz Alisher Navoiy va Bobur hayoti va ijodi haqida qiziqarli ma'lumotlarni gapirdilar va ular ijodiga tegishli bo‘lgan she'r va g‘azallardan namunalar keltirdilar. Yosh adabiyotshunos Urol Normatovning chiqishi ham tadbir qatnashchilarida chuqur taasurot qoldirdi. 

    Uchrashuv qiziqarli munozara tarzida o‘tdi va barcha qatnashchilarga ma'naviy ruhlanish baxsh etdi. 

     

     

    Axborot xizmati

     2017-02-16

    Прочитали: 382

    to'liqroq
  • Davlat test markazida davra suhbati bo‘lib o‘tdi

    Davlat test markazida 2016-yil 6-dekabr kuni O‘zbekiston Respublikasi Konstitutsiyasi qabul qilinganligining 24 yilligiga bag‘ishlangan “Konstitutsiya – demokratik va huquqiy jamiyat qurilishida asosiy omil sifatida” mavzuida davra suhbati bo‘lib o‘tdi.

    Mazkur davra suhbatida Toshkent davlat yuridik universitetining dotsenti Boboev Jahongir Ismoilbekovich ishtirok etdi. J.I.Boboev asosan qomusimizga kiritilgan o‘zgartirishlar, jumladan, siyosiy partiyalar fraksiyalarining tashkil etilish asoslari, norozilik kvotumlari, prezidentlik instituti mohiyati, qonun chiqaruvchi, ijro etuvchi va sud hokimiyati, parlament nazorati kabi muhim masalalar yuzasidan nutq so‘zladi. Nutq ishtirokchilarda katta qiziqish uyg‘otdi.

    Tadbir davomida xalqaro konvensiyalar, shartnomalar, bitimlarni ratifikatsiya qilinishi va konstitutsion normalar, prezidentlik vazifasini bajarishga kirishish muddatlari, keyingi vaqtlarda kiritilgan o‘zgartirishlar va ularning mohiyati to‘g‘risida berilgan savollarga qoniqarli javoblar berildi.

    Davra suhbati ochiq muloqot va savol-javob ruhida o‘tdi.

    Axborot xizmati

     2016-12-07

    Прочитали: 365

    to'liqroq
  • “Fuqarolarning siyosiy huquqlari: tajriba va demokratik yangilanish” mavzuida davra suhbati

    Davlat test markazida 2016-yil 30-noyabr kuni O‘zbekiston Respublikasi Prezidenti sayloviga bag‘ishlangan “Fuqarolarning siyosiy huquqlari: tajriba va demokratik yangilanish” mavzuida qiziqarli davra suhbati bo‘lib o‘tdi.

    Mazkur davra suhbatida Davlat boshqaruv akademiyasining katta o‘qituvchisi Abduraxmonov Ilyos Komil o‘g‘li ishtirok etdi. I.K.Abduraxmonov mamlakatda saylov qonunchiligi, fuqarolar huquq va erkinliklarining himoya qilinishi asoslari, shuningdek, qonunchilikning davlat va jamiyatdagi o‘rni, mazmun mohiyati, uning ijrosini ta’minlash tamoyillari, mazkur sohada xorijiy tajribalar va yangiliklar, demokratik jamiyatda fuqarolarimiz siyosiy huquqlarining ustuvorligi bo‘yicha nutq so‘zladi. Nutq ishtirokchilarda katta qiziqish uyg‘otdi va davra suhbati ochiq muloqot ruhida hamda savol-javob tarzida o‘tdi.

    Tadbir davomida saylov prinsiplari, xorijiy mamlakatlar va mahalliy saylov komissiyalari faoliyati, byulletenlardan foydalanish, saylov kompaniyalarini moliyalashtirish, xalqaro va mahalliy kuzatuvchilar huquqlari, vaqtincha xorijiy mamlakatlarda bo‘lgan fuqarolarimiz tomonidan ovoz berish tartibi, tegishli qonunchiliklardagi o‘zgarishlar to‘g‘risida berilgan savollarga qoniqarli javoblar berildi.

    Suhbat yakunida I.K.Abduraxmonov va Davlat test markazi xodimlari tomonidan saylov jarayoni va siyosiy huquqlar mavzuda davra suhbatlarining yana o‘tkazilishiga kelishildi.

    Axborot xizmati

     2016-12-01

    Прочитали: 418

    to'liqroq
  • Davra suhbati bo‘lib o‘tdi

    Davlat test markazida 2016-yil 9-iyun kuni mustaqilligimizning shonli 25-yilligiga bag‘ishlangan “Mustaqil O‘zbekiston demokratik jamiyat qurish yo‘lida – 25 yil” mavzuida davra suhbati bo‘lib o‘tdi.

    Mazkur davra suhbatida O‘zbekiston Respublikasi Oliy Majlisining Qonunchilik palatasi deputati Shirinov Jahongir Jabborovich ishtirok etdi. J.J.Shirinov mamlakatda qonun ustuvorligi, fuqarolarning huquq va erkinliklari, jamiyat va davlat manfaatlari himoya qilinishining me’yoriy-huquqiy asoslari, shuningdek, 2016-yil 11-aprelda qabul qilingan “Parlament nazorati to‘g‘risida”gi O‘zbekiston Respublikasi Qonunining davlat va jamiyatdagi o‘rni, mazmun mohiyati, uning ijrosini ta’minlash tamoyillari bo‘yicha nutq so‘zladi.

    Davra suhbati mazkur qonun doirasida batafsil ma’lumotlar kiritilgan ko‘rgazmali qurollar asosida qiziqarli, ochiq muloqot ruhida va savol-javob tarzida o‘tdi.

    Suhbat yakunida J.J.Shirinov va Davlat test markazi xodimlari tomonidan bunga o‘xshash davra suhbatlarining tez-tez o‘tkazib turilishiga kelishib olindi.

     2016-06-13

    Прочитали: 634

    to'liqroq
  • Nodavlat ta'lim muassasalari faoliyatini muvofiqlashtirish va takomillashtirish

    2016 yil 17 fevral, 2 va 9 mart kunlarii Davlat test markazi binosida “Nodavlat ta'lim muassasalari faoliyatini muvofiqlashtirish va takomillashtirish” mavzusidagi o‘quv-amaliy seminar bo‘lib o‘tdi. Mazkur jarayonda Toshkent shahri va viloyatlardan umumiy o‘rta, maktabgacha ta'lim turi bilan shug‘ullanuvchi nodavlat ta'lim muassasalari rahbarlari va vakillari ishtirok etdi.

    Seminarda “O‘zbekiston Respublikasi Vazirlar Mahkamasining 2004 yil 1 martdagi “Nodavlat ta'lim muassasalari faoliyatini litsenziyalash to‘g‘risidagi nizomni tasdiqlash haqida”gi 100-son qarori amalda”, “Litsenziya bitimiga asosan litsenziat tomonidan majburiyatlarni bajarilishi, Nodavlat ta'lim muassasalari va Davlat test markazi o‘rtasida ma'lumotlar almashinuvini ON-LINE tarzida yo‘lga qo‘yish” mavzularida ma'ruzalar bo‘ldi. Seminar davomida nodavlat ta'lim muassasalari faoliyati haqidagi ma'lumotlarni ON-LINE tarzida elektron bazaga kiritish va ma'lumotlar almashish bo‘yicha taqdimot o‘tkazildi va litsenziatlarni qiziqtirgan barcha savollarga Davlat test markazi raxbariyati hamda tegishli bo'linma boshliqlari va soha vakillari tomonidan javoblar berildi.

    Yuklab olish (PDF, 48Kb)

     2016-03-20

    Прочитали: 730

    to'liqroq
  • Xalq ta`limi vazirligi tizimidagi umumiy o`rta ta`lim muassasalari pedagog kadrlari attestatsiyasini tashkil etish va o`tkazish jadvali

     2016-03-07

    Прочитали: 463

    to'liqroq
  • Nodavlat ta'lim muassasalari rahbarlari diqqatiga

    2016 yilning 17 fevral kuni soat 14.00 da Davlat test markazi binosida O‘zbekiston Respublikasi Vazirlar Mahkamasining 2004 yil 1 martdagi 100-son qarori bilan tasdiqlangan “Nodavlat ta'lim muassasalari faoliyatini litsenziyalash to‘g‘risida Nizom”ning 25-26-bandlariga asosan “Nodavlat ta'lim muassasalari faoliyatini muvofiqlashtirish va takomillashtirish” mavzusida o‘quv-amaliy seminar tashkil etilmoqda. Mazkur seminarda ishtirok etish uchun ro‘yxatdagi ta'lim muassasasi rahbarlari ta'lim muassasasi uchun elektron pochta manzili ochishingiz va axborot – kommunikatsiya texnologiyalari bo‘yicha 1 nafar xodimingiz bilan Davlat test markaziga tashrif buyurishingiz so‘raladi.

    Seminarda ishtirok etishi lozim bo‘lgan ta'lim muassasalari ro‘yxati

    Umumiy o‘rta ta'lim muassasalari

    1.      CLASS AKADEM

    2.      DETSKAYA PLANETA

    3.      ELITE EDUKATION ALTERNATIVA SEHRIYO

    4.      ERUDITE EDUCATION

    5.      EUREKA EDUCATION

    6.      EVRIKA BILIMDON

    7.      FORTUNA EDUCATION

    8.      FUTURE EDUCATION  

    9.      IQTIDOR INTELLEKT ZIYO

    10.  ISTE'DODLI KELAJAK YOSHLARI

    11.  ISTIQBOL ZAMON BOLALARI

    12.  ISTIQBOLLI TA'LIM

    13.  JURAVLYONOK

    14.  LIDER BOLALAR MAKTABI

    15.  LIDER TA‘LIM

    16.  LUCKY CHILDREN

    17.  MATSAPAEVA SALOMAT SOBIROVNA

    18.  NOU INTELLECT

    19.  OLTIN QANOT

    20.  ONA-BOLA MARKAZI

    21.  PLANETA CHUDES

    22.  PRIMARY GENESIS EDUCATION

    23.  QO'QON ILM NURI

    24.  THE BRITISH SCHOOL OF TASHKENT

    25.  ULUG`BEK NOMIDAGI TOSHKENT XALQARO MAKTABI

    26.  WUNDERKIND STUDY

    27.  YOSH-ORIFLAR

    28.  YUKSAK MARRA

    29.  ZVEZDOPAD ZNANIY

    30.  СУРХОН-ҚАЛҚОН-АЛЬФА

    Maktabgacha ta'lim muassasalari

    31.  LIDER BOLALAR MAKTABI

    32.  LIDER ERKATOY

    33.  GENESIS EDUCATION

    34.  FORTUNA EDUCATION

    35.  ISTE'DODLI KELAJAK YOSHLARI

    36.  ISTIQBOL ZAMON BOLALARI

    37.  MATSAPAEVA SALOMAT SOBIROVNA

    38.  NOU INTELLECT

    39.  ONA-BOLA MARKAZI

    40.  PLANETA CHUDES

    41.  SAINIG-KIDS

    42.  THE BRITISH SCHOOL OF TASHKENT

    43.  YOSH-ORIFLAR

    44.  ZVEZDOPAD ZNANIY

     2016-02-01

    Прочитали: 430

    to'liqroq
  • Davlat test markazi faoliyati to`g`risida ochiq majlislar o`tkazish rejasi

     2016-01-07

    Прочитали: 354

    to'liqroq
  • 2015-2016 va 2016-2017 o`quv yillarda o`rta maxsus, kasb hunar ta`limi muassasalarini attestatsiyadan o`tkazish jadvali

     

     

     2015-10-12

    Прочитали: 484

    to'liqroq
  • Birlashgan millatlar tashkiloti iqtisodiy va ijtimoiy masalalar departamentining elektron xukumat bo‘yicha katta xududlararo maslahatchisi Richard Kerbi bilan uchrashuv

    O‘zbekiston “Aloqa tarixi muzeyi”da Vazirlar Mahkamasi xuzuridagiDavlat test markazi rahbariyati hamda O‘zbekiston Respublikasi Axborot texnologiyalari va kommunikatsiyalarini rivojlantirish vazirligi hamkorligida Birlashgan millatlar tashkiloti iqtisodiy va ijtimoiy masalalar departamentining elektron xukumat bo‘yicha katta xududlararo maslahatchisi Richard Kerbi bilan davra suhbati o‘tkazildi.

    Davra suhbatida janob Richard Kerbi O‘zbekistonda elektron xukumat tizimini rivojlantirish masalalariga to‘xtalar ekan, jumladan ta'lim tizimiga ilg‘or axborot-kommunikatsiya texnologiyalarini keng joriy etish, interaktiv davlat xizmatlarini ko‘rsatish samaradorligi oshirish, davlat organlari veb-saytlari orqali ko‘rsatilayotgan xizmatlar turini kengaytirish, ochiq ma'lumotlar to‘plamlarini joylashtirish bo‘yicha o‘z fikrlarini bildirdi.

    O‘z navbatida Davlat test markazi direktor o‘rinbosari K.Xakberdiev markaz rasmiy veb-sayti orqali abiturientlar uchun ko‘rsatilayotgan interaktiv xizmatlar va 2013-2015 yillarda oliy ta'lim muassasalarida o‘tkazilgan test sinovlari bo‘yicha tahliliy ma'lumotlarga to‘xtalar ekan, kelajakdagi axborot-kommunikatsiya sohasidagi amalga oshirilishi ko‘zda tutilayotgan loyihalar haqida axborot berdi.

    Davra suhbati samimiy va o‘zaro savol javoblar tarzida o‘tkazildi.

     

    Yuklab olish (pdf, 12Kb)

     2015-09-18

    Прочитали: 1074

    to'liqroq
  • Uchrashuvlar. Korrupsiyaga qarshi kurash

    Davlat test markazida 2015 yil 5 iyunda Toshkent davlat yuridik universiteti “Jinoyat huquqi va kriminalistika” kafedrasi professori Baxrom Asrorov bilan “Korrupsiyaga qarshi kurashning muhim ahamiyati” mavzusida uchrashuv o‘tkazildi. Ushbu  uchrashuv mutaxassislarning huquqiy ongini oshirishga, respublikada korrupsiyaga qarshi kurash olib borish borasida amalga oshirilayotgan ishlar haqida tushunchaga ega bo‘lishga yordam berdi. Uchrashuvda oliy ta'lim muassasalari bakalavriatiga qabul test sinovi jarayonida uchraydigan muammoli vaziyatlar va ularning huquqiy oqibatlari haqidagi savollar muhokama qilindi.   

     2015-06-18

    Прочитали: 1191

    to'liqroq
  • “Tayanch maktablarda chet tili o’qituvchilari uchun haftalik kurslarni tashkil etishda trener-o’qituvchilarning vazifalari” mavzusida o’quv seminari tashkil etildi

    2015 yil 3 mart kuni Toshkent shahar xalq ta’limi xodimlarini qayta tayyorlash va ularning malakasini oshirish institutida “Tayanch maktablarda chet tili o’qituvchilari uchun haftalik kurslarni tashkil etishda trener-o’qituvchilarning vazifalari” mavzusida o’quv seminari tashkil etildi. Seminarda Chet tillarni bilish darajasining pedagogik o’lchovlarini rivojlantirish bo’limi bosh mutaxassisi K.Jalilov Davlat Test Markazi tomonidan tayyorlangan “Chet tillar o’qituvchilarining bazaviy lavozim maoshlariga oylik ustama belgilash test sinovlariga tayyorlanish uchun metodik qo‘llanma”ning ikkinchi, qayta ishlangan nashri taqdimotini o’tkazdi.

     

    Yuklab olish (pfd, 69kb)

     2015-03-18

    Прочитали: 1625

    to'liqroq
  • Chet tillar o’qituvchilarining pedagogik mahorati va malakasini oshirish bo’yicha trenerlar tayyorlash dasturining muhokamasiga oid seminar-trening bo’lib o’tdi

    2015 yil 30 yanvar kuni Avloniy nomidagi Xalq ta’limi xodimlarini qayta tayyorlash va malakasini oshirish markaziy instituti negizida chet tillar o’qituvchilarining pedagogik mahorati va malakasini oshirish bo’yicha trenerlar tayyorlash dasturining muhokamasiga oid seminar-trening bo’lib o’tdi. O’zDJTU va Toshkentdagi Singapur menejmnentni rivojlantirish instituti mutaxassislari qatnashgan seminarda trenerlar bilan nazariy va amaliy mashg’ulotlar o’tkazish bo’yicha takliflar berildi. Seminarda Davlat test markazi Chet tillarni bilish darajasining pedagogik o’lchovlarini rivojlantirish bo’limi boshlig’i E.Urayeva va bo’lim bosh mutaxassisi K.Jalilov ishtirok etishdi. 

    Yuklab olish (pfd, 72kb)

     2015-03-18

    Прочитали: 1358

    to'liqroq
  • Umumiy o‘rta va o‘rta maxsus, kasb-hunar ta'limi muassasalari pedagog kadrlari attestatsiyasi: yakun va xulosalar

    2014 yil 28 may kuni O’zbekiston Respublikasi Milliy matbuot markazida Davlat test markazi tomonidan “Umumiy o‘rta va o‘rta maxsus, kasb-hunar ta'limi muassasalari pedagog kadrlari attestatsiyasi: yakun va xulosalar” mavzusidagi matbuot anjumani o‘tkazildi.

    Anjumanda ommaviy axborot vositalari vakillari ishtirok etdi.

    Anjumanda pedagog kadrlari attestatsiyasi yakunlari va undan kelib chiqadigan xulosalarga oid ma'ruza tinglandi.

    Ma'ruzachi: Uzluksiz ta'lim tizimida professor-pedagoglar tarkibini va rahbar kadrlarni attestatsiyadan o‘tkazish bo‘limi boshlig‘i Q.Baymirov.

    Ma'ruzada Xalq ta'limi vazirligi va o‘rta maxsus, kasb-hunar ta'limi tizimidagi pedagog kadrlar attestatsiyasiga oid ma'lumotlar berildi.

    Qoraqalpog‘iston Respublikasi Xalq ta'limi vazirligi, viloyatlar xalq ta'limi boshqarmalari va Toshkent shahar xalq ta'limi bosh boshqarmasida Muvofiqlashtiruvchi 14 ta komissiya – oliy malaka toifasiga da'vogarlar attestatsiyasini o‘tkazishi;

    tuman (shahar) xalq ta'limi muassasalari faoliyatini metodik ta'minlash va tashkil etish bo‘limlarida 195 ta komissiya – birinchi malaka toifasiga da'vogarlar attestatsiyasini o‘tkazishi;

    umumiy o‘rta ta'lim maktablarida 9685 ta komissiya – ikkinchi malaka toifasiga da'vogarlar attestatsiyasini o‘tkazishi aytib o‘tildi.

    Pedagog kadrlarga malaka toifalari 5 yil muddatga berilishi va ularga sertifikat topshirilishi haqida ham ma'lumotlar berildi.

    Komissiyalar tomonidan 2011-2013 yillar davomida 240641 nafar xalq ta'limi tizimi pedagog kadrlari attestatsiyadan o‘tkazilgan.

    O‘rta maxsus, kasb-hunar ta'limi muassasalari pedagog xodimlari attestatsiyasi Qoraqalpog‘iston Respublikasi, viloyatlar va Toshkent shahar o‘rta maxsus, kasb-hunar ta'limi hududiy boshqarmalarida tashkil etiladigan attestatsiya komissiyalari tomonidan amalga oshirilishi hamda pedagog xodimlarga bosh, yetakchi va katta o‘qituvchi lavozimlari 3 yil muddatga berilishi va ularga guvohnoma topshirilishi haqida ma'lumotlar berildi.

    2011-2014 yillarda akademik litsey va kasb-hunar kollejlarining 65070 nafar pedagog xodimlari attestatsiyadan o‘tkazilgan.

    Anjumanda ommaviy axborot vositalari xodimlari tomonidan savollar berildi va ularga javoblar qaytarildi.

    Jumladan, malaka toifalari va sertifikatlarning ahamiyati, malaka sinovlarining o‘tkazilishi, pedagog kadrlarning attestatsiyadan xabordor qilinishiga oid savollar berildi.

    Komissiya pedagog kadrlarga malaka toifalari berilganligi haqida xulosa qabul qiladi va xulosalar attestatsiya varaqasi hamda bayonnomaga rasmiylashtiradi. Sertifikatlar qat'iy hisobda turadigan, himoya va seriya raqamiga ega hujjat hisoblanishi va 5 yil muddatga berilishi, oliy, birinchi va ushbu malaka toifalariga da'vogarlarning malaka sinovlari Davlat test markazi va Xalq ta'limi vazirligi tomonidan belgilanishi hamda pedagog kadrlarga bir oy oldin attestatsiyadan o‘tishi haqida ma'lum qilinishi haqida ma'lumotlar berildi.

    Yuklab olish  PDF, 10 Kb

     2014-05-30

    Прочитали: 1660

    to'liqroq
  • “O‘zbekiston Respublikasida huquqiy fanlar o‘qitish tizimini takomillashtirish” mavzusida ilmiy-amaliy konferensiya

    O‘zbekiston Respublikasi Prezidentining 2013 yil 28 iyundagi “Yuridik kadrlar tayyorlash tizimini yanada takomillashtirish chora-tadbirlari to‘g‘risida”gi PQ-1990-sonli Qarori ijrosi yuzasidan O‘zbekiston Respublikasi Bosh Prokuraturasi Adliya vazirligi bilan hamkorlikda Bosh prokuraturaning majlislar zalida “O‘zbekiston Respublikasida huquqiy fanlar o‘qitish tizimini takomillashtirish” mavzusida ilmiy-amaliy konferensiya o‘tkazildi.

    Ilmiy-amaliy konferensiyada Davlat test markazi direktor o‘rinbosari, boshqarma boshlig‘i v.b. B. Nazarov ishtirok etdi va Oliy ta'lim muassalarida huquqiy fanlarni o‘qitish tizimini takomillashtirish” mavzusida ma'ruza qildi.

     2014-05-23

    Прочитали: 1542

    to'liqroq
  • Nostrifikasiyalash bo’yicha maxsus sinovlarni o’tkazish va ekspert komissiyalarining yig’ilish jadvali

     

    2014 yilda har haftaning seshanba, chorshanba va payshanba kunlari soat 10-00 dan 16-00 gacha Davlat test markazi (DTM)da xorijiy davlatlarda ta'lim olganlik to‘g‘risidagi hujjatlarni tan olish va nostrifikatsiyalash (ekvivalentligini qayd etish) masalalari bo‘yicha fuqarolar qabul qilinadi.

    Hujjat egasi yoki manfaatdor tashkilot xorijiy davlatlarda ta'lim olganlik to‘g‘risidagi hujjatlarini tan olish va ularning ekvivalentligini qayd etish haqidagi ariza (bevosita DTMda to‘ldiriladi) bilan birga quyidagi hujjatlarni taqdim etishi lozim:

    ma'lumot to‘g‘risidagi hujjat va uning ilovasini asl nusxasi;

    ma'lumot to‘g‘risidagi hujjat va uning ilovasini O‘zbekiston Respublikasi davlat tiliga notarial tasdiqlangan tarjimasi.

    Ariza beruvchi, shuningdek, o‘z tayyorgarligi haqida boshqa hujjatlarni, jumladan, ta'lim olishning keyingi darajalari, kasbiy faoliyat bilan shug‘ullanish mum­kin­ligi, amaliy tajriba haqidagi qo‘shimcha hujjatlarni ham taqdim etishi mumkin. Tan olish va ekvivalentligini qayd qilish uchun zarur bo‘lgan materiallar O‘zbekiston Respublikasi davlat tiliga notarial tasdiqlangan tarjimalari bilan taqdim etilishi lozim.  Lozim bo‘lgan hollarda DTM tomonidan tegishli o‘quv yurti, mahalliy va xorijiy tashkilotlardan aniqlashtiruvchi hujjatlar so‘rab olinishi mumkin.

    Hujjatlar DTM huzurida Oliy va o‘rta maxsus ta'lim, Xalq ta'limi va Adliya vazirliklari, boshqa manfaatdor vazirlik va idoralar bilan birgalikda tashkil etiladigan ekspert komissiyalari tomonidan ko‘rib chiqiladi. Ekspertiza davlat ta'lim standartlari, ta'lim muassasasini o‘zlari joylashgan davlatlarda belgilangan tartibda akkreditatsiya qilish haqidagi hujjat, o‘quv rejalari, fan dasturlari, malaka tavsifnomalari va O‘zbekiston Respublikasining boshqa me'yoriy hujjatlari asosida amalga oshiriladi. Barcha hujjatlar taqdim etilgan kundan boshlab bir oydan oshmagan muddatda ta'lim to‘g‘risidagi hujjatlarni ekvivalentligi yoki uni rad etish haqida tegishli qaror qabul qilinadi.

     

    Xorijiy davlatlarda ta'lim olganlik to‘g‘risidagi hujjatlarni tan olish va nostrifikatsiyalash bo‘yicha ekspert komissiyalarining yig‘ilish o‘tkaziladigan kunlari va maxsus sinovlarni o‘tkazish kunlari jadvali

     

    Ekspert komissiyasining nomi

    Ekspert komissiyasi yig‘ilish o‘tkaziladigan kunlar va boshlanish vaqti

    Maxsus sinov o‘tkaziladigan kunlar va sinovning boshlanish vaqti

    “Huquqshunoslik” sohasi bo‘yicha ekspert komissiyasi

    2014 yil 27 yanvar, 24 fevral, 24 mart, 21 aprel, 26 may,

    23 iyun, 22 sentyabr,

    27 oktyabr, 24 noyabr, 22 dekabr kunlari

    soat 16-00da

    2014 yil 27 yanvar, 24 fevral, 24 mart, 21 aprel, 26 may,

    23 iyun, 22 sentyabr,

    27 oktyabr, 24 noyabr,

    22 dekabr kunlari

    soat 14-00da

    “Sog‘liqni saqlash va ijtimoiy ta'minot” sohasi bo‘yicha ekspert komissiyasi

    2014 yil 28 yanvar, 25 fevral, 25 mart, 22 aprel, 27 may,

    24 iyun, 23 sentyabr,

    28 oktyabr, 25 noyabr,

    23 dekabr kunlari

    soat 15-00da

    2014 yil 28 yanvar, 25 fevral, 25 mart, 22 aprel, 27 may,

    24 iyun, 23 sentyabr,

    28 oktyabr, 25 noyabr, 23 dekabr kunlari

    soat 14-00da

    “Iqtisodiyot” ijtimoiy ta'minot” sohasi bo‘yicha ekspert komissiyasi

    2014 yil 29 yanvar, 26 fevral, 26 mart, 23 aprel, 28 may,

    25 iyun, 24 sentyabr,

    29 oktyabr, 26 noyabr,

    24 dekabr kunlari

    soat 16-00da

    2014 yil 29 yanvar, 26 fevral, 26 mart, 23 aprel, 28 may,

    25 iyun, 24 sentyabr,

    29 oktyabr, 26 noyabr, 24 dekabr kunlari

    soat 14-00da

    “Qishloq ho‘jaligi, muxandislik, ishlov berish va qurilish sohalari” bo‘yicha ekspert komissiyasi

    2014 yil 30 yanvar, 27 fevral, 27 mart, 24 aprel, 29 may,

    26 iyun, 25 sentyabr,

    30 oktyabr, 27 noyabr,

    25 dekabr kunlari

    soat 15-00da

    2014 yil 30 yanvar, 27 fevral, 27 mart, 24 aprel, 29 may,

    26 iyun, 25 sentyabr,

    30 oktyabr, 27 noyabr,

    5 dekabr kunlari

    soat 14-00da

    “O‘qituvchilar tayyorlash va pedagogik fanlar” sohasi bo‘yicha ekspert komissiyasi

    2014 yil 31 yanvar, 28 fevral, 28 mart, 25 aprel, 30 may,

    27 iyun, 26 sentyabr,

    31 oktyabr, 28 noyabr,

    26 dekabr kunlari

    soat 14-00da

    2014 yil 31 yanvar, 28 fevral, 28 mart, 25 aprel, 30 may,

    27 iyun, 26 sentyabr,

    31 oktyabr, 28 noyabr, 26 dekabr kunlari

    soat 10-00da

    Izoh: Ekspert komissiyalarining yig‘ilishlari va maxsus sinovlar DTM binosida o‘tkaziladi. Belgilangan vaqtdan kechikib kelgan talabgorlar sinovga kiritilmaydi.

    Maxsus sinovlarda va ekspert komissiyasi yig‘ilishlarida qatnashishga ro‘yxatdan o‘tish uchun fuqarolar DTM direktori nomiga o‘zlarining pochta indekslari, uy manzili, bog‘lanish telefoni, o‘qigan ta'lim muassasasining nomi, mutaxassisligi, DTMdan berilgan tilxat raqami hamda sinovni qaysi tilda topshirishini aniq ko‘rsatgan holda belgilangan kundan kamida bir hafta oldin ariza berishlari lozim. Arizalar pochta yoki faks orqali ham yuborilishi mumkin. Ro‘yxatga kiritilgan talabgorlar pasport hamda DTMdan berilgan tilxatni shaxsan taqdim etgan holda sinovga va ekspert komissiyasi yig‘ilishlariga qo‘yiladilar.

    Maxsus sinovlarni tashkil etish va o‘tkazish uchun talab etiladigan vaqt ta'lim to‘g‘risidagi hujjatlarni ekvivalentligi yoki uni rad etish haqida qaror qabul qilish uchun belgilangan muddatga kirmaydi.

     

    DIQQAT!

    1.    1992 yil 1 yanvardan keyin xorijiy davlatlar ta'lim muassasalariga o‘qishga kirib, “BOShLANG‘ICh TA'LIM MeTODIKASI” va “TARIX” ta'lim yo‘nalishi bo‘yicha olingan diplomlar O‘zbekiston Respublikasi Davlat ta'lim standartlari va ta'limga oid huquqiy-me'yoriy hujjatlar talablariga mos kelmasligi sababli O‘zbekiston Respublikasi hududida tan olinmaydi va nostrifikatsiya qilinmaydi.

    2.    2004 yil va undan keyin xorijiy davlatlar ta'lim muassasalarining sirtqi bo‘limiga o‘qishga kirgan fuqarolarning diplomlari O‘zbekiston Respublikasi hududida tan olinmaydi va nostrifikatsiya qilinmaydi.

    3. Xorijiy davlatlarda ta'lim olganlik to‘g‘risidagi hujjatlarni nostrifikatsiyalash bo‘yicha “O‘qituvchilar tayyorlash va pedagogik fanlar” sohasi ekspert komissiyasining 2013 yil 1 noyabrdagi qaroriga asoan 2014 yil 1 yanvardan boshlab “O‘zbekiston tarixi” fanidan 55 baldan past ball to‘plagan talabgorlar “Og‘zaki suhbat”ga kiritilmaydi. 

     

     

    Государственный центр тестирования при Кабинете Министров Республики Узбекистан 

    ОБЪЯВЛЯЕТ

    В Государственном центре тестирования (ГЦТ) в 2014 г. еженедельно во вторник, в среду и четверг с 10-00 до 16-00 осуществляется прием граждан по вопросам признания и нострификации (установления эквивалентности) документов об образовании, выданных в зарубежных странах.

    Обладатель документа или заинтересованная организация вместе с заявле­нием (заполняется непосредственно в ГЦТ) о признании и установлении эквивалентности документов об образовании, выданных в зарубежных странах, представляет следующие документы:

    - оригиналы документа об образовании и приложения к нему;

    - нотариально заверенный перевод на государственный язык Республики Узбекистан документа об образовании и приложения к нему.

    Заявитель вправе представить также другие документы о своей подготовке, в том числе документы о последующих уровнях образования, о допуске к профессиональной деятельности, практическом опыте. Материалы, необходимые для признания и установления эквивалентности, представляются вместе с нотариально заверенным переводом на государственный язык Республики Узбекистан. ГЦТ при необходимости может запрашивать также уточняющую документацию от соответствующего образовательного учреждения, местных и зарубежных организаций.

    Документы рассматриваются экспертными комиссиями, создаваемыми при ГЦТ совместно с Министерством высшего и среднего специального образования, Министерством народного образования, Министерством юстиции и другими заинтересован­ными министерствами и ведомствами. Экспертиза производится на основе государственных образовательных стандартов, документа об аккредитации образовательного учреждения в установленном в своей стране порядке, учебных планов, программ дисциплин, квалификационных характеристик и других нормативных актов Республики Узбекистан. Решение об эквивалентности документа об образовании или об отказе в этом принимается в срок не более одного месяца со дня представления всех необходимых документов.

     

    График проведения специальных испытаний и заседаний экспертных комиссий по признанию и нострификации (установления эквивалентности) документов об образовании, выданных в зарубежных странах

     

    Экспертные комиссии

    Дата заседаний Экспертные комиссии

    Дата проведения специальных испытаний

    Юриспруденция

    27 января, 24 февраля, 24 марта, 21 апреля, 26 мая, 23 июнь, 22 сентября,

    27 октября, 24 ноября,

    22 декабря 2014 года

    в 16-00

    27 января, 24 февраля, 24 марта, 21 апреля, 26 мая, 23 июнь, 22 сентября,

    27 октября, 24 ноября, 22 декабря 2014 года

    в 14-00

    Здравоохранение и социальное обеспечение

    28 января, 25 февраля, 25 марта, 22 апреля, 27 мая, 24 июнь, 23 сентября,

    28 октября, 25 ноября, 23 декабря 2014 года

    в 15-00

    28 января, 25 февраля, 25 марта, 22 апреля, 27 мая, 24 июнь, 23 сентября, 28 октября, 25 ноября,

    23 декабря 2014 года

    в 14-00

    Экономика

    29 января, 26 февраля, 26 марта, 23 апреля, 28 мая, 25 июнь, 24 сентября, 29 октября, 26 ноября,

    24 декабря 2014 года

    в 16-00

    29 января, 26 февраля, 26 марта, 23 апреля, 28 мая, 25 июнь, 24 сентября, 29 октября, 26 ноября,

    24 декабря 2014 года

    в 14-00

    Сельское хозяйство, инженерные, обрабатывающие и строительные отрасли

    30 января, 27 февраля, 27 марта, 24 апреля, 29 мая, 26 июнь, 25 сентября, 30 октября, 27 ноября,

    25 декабря 2014 года

    в 16-00

    30 января, 27 февраля, 27 марта, 24 апреля, 29 мая, 26 июнь, 25 сентября,

    30 октября, 27 ноября, 25 декабря 2014 года

    в 14-00

    Подготовка учителей и педагогические науки

    31 января, 28 февраля, 28 марта, 25 апреля, 30 мая, 27 июнь, 28 сентября,

    29 октября, 28 ноября, 26 декабря 2014 года

    в 14-00

    31 января, 28 февраля, 28 марта, 25 апреля, 30 мая, 27 июнь, 28 сентября,

    29 октября, 28 ноября, 26 декабря 2014 года

    в 10-00

     

    Примечание: заседания Экспертных комиссий и специальные испытания проводятся в здании ГЦТ. Опоздавшие претенденты на специальные испытания не допускаются.

     

    Для участия в специальных испытаниях и заседаниях комиссий гражданам не позднее, чем за неделю до их проведения, необходимо представить заявление на имя директора ГЦТ с указанием почтового индекса, домашнего адреса, контактного телефона заявителя, названия образовательного учреждения, специальности по диплому, номера расписки ГЦТ о приеме документов и языка, на котором должно быть проведено испытание. Заявления могут быть отправлены также по почте или факсу. Лица, включенные в список, допускаются к испытаниям по предъявлении паспорта и расписки ГЦТ о приеме документов.

     

    Время, требуемое для организации и проведения специальных испытаний, не входит в срок, установленный для принятия решения об эквивалентности документа об образовании или об отказе в этом.

     

    ВНИМАНИЕ!

    1.     Ввиду несоответствия требованиям Государственных образовательных стандартов и нормативно-правовых документов образования Республики Узбекистан, документы об образовании, полученные в зарубежных странах (поступившими на учебу после 1 января 1992 года) по направлениям ИСТОРИЯ, НАЧАЛЬНОЕ ОБУЧЕНИЕ, не нострифицируются.

    2.                Документы об образовании лиц, поступивших на заочные отделения зарубежных учебных заведений в 2004 году и позже, не признаются и не нострифицируются в Республике Узбекистан.

    3. На основания решениям экспертной комиссии по признанию и нострификации документов об образовании, выданных в зарубежных странах по направлению «Подготовка учителей и педагогические науки» от 01.11.2013 года с января 2014 года набравшие балы меньше от 55 балов по «Истории Узбекистан не допускаются на собеседование.

     

    Yuklab olish  (PDF, 19KB)

     2014-05-16

    Прочитали: 2272

    to'liqroq
  • Matbuot anjumani

    2014 yil 27 may kuni Milliy matbuot markazida Davlat test markazi tomonidan “Umumiy o‘rta va o‘rta maxsus, kasb-hunar ta'limi muassasalari pedagog kadrlari attestatsiyasi: yakun va xulosalar” mavzusidagi matbuot anjumani o'tkaziladi.

    Matbuot anjumanida Davlat test markazi rahbar xodimlari, Davlat test markazi Axborot xizmati a’zolari hamda ommaviy-axborot vositalari vakillari va jurnalistlar ishtirok etadilar.

     

    Yuklab olish (PDF, 7 KB)

     2014-05-16

    Прочитали: 1350

    to'liqroq

Pochta xizmati

Yangiliklar taqvimi
Noyabr 2017
 
DuSeChPaJuShYa
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
TASHRIFLAR TAHLILI
Obuna
Siz bizning yangiliklarga a`zo bo`lishingiz mumkin

Obuna bo`lish
Murojaat
Yagona interaktiv davlat xizmatlari portali orqali
Murojaat kelib tushdi 188
Yakunlangan 167
Qayta ishlash jarayonida 3
Rad etildi 18
Ishonch telefoni orqali
Murojaat kelib tushdi 715
Yakunlangan 715
(29.09.2017 yil holatiga)
SHRIFT O'LCHAMI
AXBOROT RESURSLARI
So'rovnoma
So'rovnoma