DAVLAT TEST MARKAZI

O'zbekiston Respublikasi Vazirlar Mahkamasi

DAVLAT TEST MARKAZI

Yangiliklar

RSS
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN O`TKAZILGAN TEST SINOVLARI NATIJALARI E’LON QILINDI

    2017 yil 3-4 oktabr  kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli Qarori asosida chet tili test sinovlari o’tkazildi.

    Test sinovining natijalari http//nsfla.uz-saytida e´lon qilindi.

    Test sinovlari CEFR talablari asosida  B1, B2, С1  darajalari uchun ingliz tilidan, B2  darajalari  uchun   fransuz, nemis, arab, koreys va yapon  tillaridan o`tkazildi.

    96 nafar talabgorlardan 43 (44,8%) nafari ijobiy natijalarga erishdi, jumladan ingliz tili bo’yicha B1 darajasiga 4 nafar (57,1%), B2 darajasiga 26  nafar (54.2%), С1 darajasiga  2 nafar (18,2%), fransuz tili bo’yicha B2 darajasiga   1 nafar (100%), nemis tili bo’yicha B2 darajasiga 1 nafar (50%), arab tili bo’yicha B2 darajasiga 5 nafar (33,3%), yapon tili bo’yicha B2 darajasiga 2 nafar (33,3%), koreys tili bo’yicha B2 darajasiga 2 nafar (33,3%).

    Ushbu test natijalari bo`yicha ijobiy natijaga erishgan nomzodlarga davlat namunasidagi sertifikatlar beriladi.

     Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida (nsfla.uz) davom etmoqda.

    Axborot xizmati

     2017-10-16

    Прочитали: 585

    to'liqroq
  • MAGISTRLAR TAYYORLOVCHI OTMLAR DIQQATIGA!

    O‘zbekiston Respublikasi Vazirlar Mahkamasining 2007 yil 10 sentyabrdagi 190-sonli qarori ijrosi yuzasidan Oliy ta'lim muassasalari magistrlari va ularni tayyorlash bilan band bo‘lgan pedagog kadrlarning malaka darajasini baholashga oid test sinovlari 2017 yil noyabr-dekabr oylarida o’tkazilishi rejalashtirilmoqda.

    Test sinovlari umummetodologik fanlar blokidagi “Axborot tizimlari”, “Хorijiy til” fanlaridan hamda  mutaxassislik fanlaridan o‘tkazilishi rejalashtirilmoqda. Test sinovlariga barcha bitiruvchi kurs magistratura talabalari va shu fanlardan dars beradigan professor-o‘qituvchilar jalb etiladi.

    Axborot xizmati

     2017-10-09

    Прочитали: 627

    to'liqroq
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN TEST SINOVLARI O’TKAZILADI

    2017 yil 3- 4 oktabr kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli Qarori asosida chet tili test sinovlari o’tkaziladi.

    Test sinovlari CEFR talablari asosida  B1, B2, С1  darajalari uchun ingliz tilidan, B2  darajalari  uchun   fransuz, nemis, arab, koreys va yapon  tillaridan o`tkazilаdi.

    3 oktabr kuni test sinovlarining yozma qismi (“tinglab tushunish”, “o`qish”, “yozish”), - 4  oktabr kuni esa test sinovlarining “suhbat” qismi o`tkazilаdi.

    Test sinovlarida 96 nomzod ishtirok etadi.

    Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida davom etmoqda (nsfla.uz).

    Axborot xizmati

     2017-10-02

    Прочитали: 1583

    to'liqroq
  • O’ZBEKISTON RESPUBLIKASI PREZIDENTINING DAVLAT STIPENDIYASIGA NOMZODLAR UCHUN TEST SINOVLARI O’TKAZILDI

    O’zbekiston Respublikasi Vazirlar Mahkamasining 2008 yil 13 oktyabrdagi “O’zbekiston iqtidorli yoshlarini taqdirlash va moddiy rag’batlantirish to’g’risida”gi 226 – sonli qarori ijrosini ta’minlash yuzasidan Oliy va o’rta maxsus ta’lim vazirligi va Davlat test markazining 2017 yil 15 sentyabrdagi 45 – Q/Q va 20 – Q/Q – sonli qo’shma qarori hamda Davlat test markazining 2017 yil 19 sentyabrdagi 01-443 – sonli buyrug’i asosida O’zbekiston Respublikasi Prezidentining davlat stipendiyasiga nomzod talabalarning bilim darajalarini aniqlash bo’yicha test sinovlari 2017 yilning 26 sentyabr kuni bo’lib o’tdi va test natijalari O’zbekiston Respublikasi Oliy va o’rta maxsus ta’lim vazirligiga taqdim etildi.

    Test sinovlariga jami 107 ta talabgor jalb qilindi.

     

    Axborot xizmati

     2017-09-28

    Прочитали: 921

    to'liqroq
  • DAVLAT TEST MARKAZIDA APELLYASIYA JARAYONI TUGADI

    O‘zbekiston Respublikasi ta'lim muassasalari bakalavriatiga talabalarni qabul qilishda o‘tkazilgan test sinovlari natijalari bo‘yicha berilgan murojaatlar 2017 yilning 15 avgust kunidan boshlab 4 sentyabrga qadar test natidalaridan norozi bo‘lgan 4001 nafar abiturientlardan arizalar qabul qilindi. 

    Arizalar joriy yilning 18 avgust – 18 sentyabr kunlari O‘zbekiston Respublikasi ta'lim muassasalariga qabul qilish bo‘yicha Davlat komissiyasining 2017 yil 14 avgustdagi 6-son bayoni bilan tasdiqlangan fan ekspert guruhlari a'zolari tomonidan bevosita apellyasiya shikoyatini bergan abiturientlar ishtirokida ko‘rib chiqildi.

    Ariza bergan jami abiturientlarning 657 nafari apellyasiya jarayoniga kelmadi, 248 nafarining hujjatlarida kamchiliklar mavjudligi sababli, apellyasiya arizalari ko‘rib chiqilmadi, 1 nafar abiturient apellyasiya o‘tkazish tartibini buzganligi sababli, jarayondan chetlashtirildi.

    Ko‘rib chiqilgan arizalar yuzasidan tegishli hujjatlar rasmiylashtirildi va Davlat komissiyasiga taqdim etildi.

    Axborot xizmati

     2017-09-21

    Прочитали: 2983

    to'liqroq
  • XORIJIY DAVLATLARDA TA'LIM OLGANLIK TO‘G‘RISIDAGI HUJJATLARNI TAN OLISH VA NOSTRIFIKATSIYALASH (EKVIVALENTLIGINI QAYD ETISH) BO‘YICHA EKSPERT KOMISSIYALARINING NAVBATDAGI YIG‘ILISHLARI TO‘G‘RISIDAGI MA'LUMOTLAR

    Respublikamizda xorijiy davlatlarda ta'lim olganlik to‘g‘risidagi hujjatlarni nostrifikatsiyalash O‘zbekiston Respublikasi Vazirlar Mahkamasining 2000 yil 25 iyuldagi 283-son qarori bilan tasdiqlangan «Xorijiy davlatlarda ta'lim olganlik to‘g‘risidagi hujjatlarni tan olish va nostrifikatsiyalash (ekvivalentligini  qayd etish) tartibi to‘g‘risida Nizom» asosida amalga oshiriladi. Mazkur Nizom O‘zbekiston Respublikasining «Ta'lim to‘g‘risida»gi Qonuniga muvofiq ishlab chiqilgan bo‘lib, xorijiy davlatlarda ta'lim olganlik to‘g‘risidagi 1992 yil 1 yanvardan so‘ng berilgan hujjatlarni tan olish hamda ularni nostrifikatsiyalash (ekvivalentligini qayd etish) tartibini belgilaydi.

    Nizomning 22-bandiga muvofiq, Davlat test markazida Oliy va o‘rta maxsus ta'lim vazirligi, Xalq ta'limi vazirligi, Adliya vazirligi hamda boshqa manfaatdor vazirliklar va idoralar bilan birgalikda “Huquqshunoslik”, “Sog‘liqni saqlash va ijtimoiy ta'minot”, “Iqtisodiyot”, “Qishloq xo‘jaligi, muhandislik, ishlov berish va qurilish”, “O‘qituvchilar tayyorlash va pedagogik fanlar” sohalari bo‘yicha Ekspert komissiyalari tashkil etilgan.

    Sohalar bo‘yicha tashkil etilgan Ekspert komissiyalarining navbatdagi yig‘ilishlari 2017 yilning 25-29 sentyabr kunlari Davlat test markazida bo‘lib o‘tadi.

    Xorijiy davlatlarda ta'lim olganlik to‘g‘risidagi hujjatlarini nostrifikatsiyalash uchun Davlat test markaziga hujjat topshirgan hamda Ekspert komissiyalarining ijobiy xulosalari olingan va ta'lim muassasalariga yuborilgan so‘rov xatlariga ijobiy javob kelgan talabgorlar sentyabr oyida bo‘lib o‘tadigan maxsus sinovlarda ishtirok etish uchun 2017 yilning 20 sentyabriga qadar ariza bilan murojaat qilishlari mumkin.

    Ma'lumot o‘rnida, O‘zbekistoni Respublikasi Vazirlar Mahkamasining 2017 yil 18 iyuldagi 515-son qarorining 3-ilovasiga asosan o‘rta maxsus, kasb-hunar va oliy ta'lim to‘g‘risidagi hujjatlarni tan olish va nostrifikatsiyalash uchun amaldagi belgilangan eng kam ish oylik ish haqining ikki barobari miqdorida yig‘im undiriladi.

     

    Axborot xizmati

     2017-09-12

    Прочитали: 7798

    to'liqroq
  • BANK-MOLIYA AKADEMIYASIGA KIRISH TEST SINOVLARI O‘TKAZILDI

    O‘zbekiston Respublikasi Vazirlar Mahkamasining 2013 yil 16 sentabrdagi “O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomni tasdiqlash haqida”gi 255-sonli qarori ijrosi yuzasidan 2017 yil 10 sentabr kuni test sinovi o‘tkazildi.

    Test sinovlariga jalb qilingan jami 367 nafar talabgorlardan 358 nafari qatnashdi, 9 nafari turli sabablarga ko’ra test sinoviga kelmadi va 3 nafar talabgorlar test topshirish qoidalarini buzganligi uchun sinovdan chetlatildi.

    GMAT va IELTS sertibikatlariga ega bo’lgan 6 nafar talabgorlarga test sinovlarida imtiyozlar qo’llanib, ularga mutaxassislik fanlari yoki xorijiy tillardan eng yuqori ballar berildi.

    Test natijalari Bank-moliya akademiyasiga taqdim qilindi.

    Axborot xizmati

     2017-09-10

    Прочитали: 1119

    to'liqroq
  • O‘ZBEKISTON RESPUBLIKASI BANK-MOLIYA AKADEMIYASINING MAGISTRATURASIGA QABUL

    O‘zbekiston Respublikasi Vazirlar Mahkamasining 2013 yil 16 sentyabrdagi “O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomni tasdiqlash haqida”gi 255-sonli qaroriga asosan O‘zbekiston Respublikasi Bank-moliya akademiyasi magistraturasiga qabul uchun test sinovlari 2017 yil 10 sentyabr kuni o‘tkazilishi rejalashtirilmoqda.

    Test sinovi «Mutaxassliklik», «Demokratik davlat va fuqarolik jamiyati qurish nazariyasi va amaliyoti asoslari» va «Ingliz tili» fanlaridan o‘tkaziladi.

     

    Axborot xizmati

     2017-09-02

    Прочитали: 1021

    to'liqroq
  • KORPORATIV BOSHQARUV ILMIY-TA'LIM MARKAZIDA BIZNESNI BOSHQARISH MAGISTRATURASIGA QABUL

    Davlat test markazi tomonidan 2017 yil 25 avgust kuni O‘zbekiston Respublikasi Korporativ boshqaruv ilmiy-ta'lim markazida Biznesni boshqarish magistraturasiga kiruvchilar uchun test sinovlar o‘tkazildi.

    Tadbirda 115 nafar nomzod ishtirok etdi. Test sinovi natijalari o‘z vaqtida hisoblandi va mas'ul vakillarga taqdim etildi.

     

    Axborot xizmati

     2017-08-26

    Прочитали: 1462

    to'liqroq
  • SARALASH TEST SINOVLARI O`TKAZILGAN O’RTA MAXSUS KASB-HUNAR TA’LIMI MUASSASALARI ABITURIYENTLARI VA ULARNING OTA-ONALARI DIQQATIGA!

    2017 yilning 15 avgust kuni o‘tkazilgan o’rta maxsus kasb-hunar ta’limi muassasalariga saralash test sinovlarining natijalarini hisoblash ishlari yakuniga yetdi. Abituriyentlar 2017 yil 20 avgust kuni saralash test sinovida to‘plagan ballarini qabul komissiyalarining e'lonlar taxtalarida joylashtirilgan saralash test sinovi natijalari qaydnomalaridan bilib olishlari mumkin.

    Hurmatli abituriyentlar!

    Saralash test sinovi natijasini mobil telefoni orqali bilib olish tizimi ham yo‘lga qo‘yilgan. Buning uchun mobil telefonlari orqali javoblar varaqangiz raqamini 5100 raqamiga SMS ko‘rinishida jo‘nating va to‘plagan umumiy ballaringizni, o’quvchilikka tavsiya etilganingiz yoki tavsiya etilmaganliginigizni bilib oling.

    Saralash test sinovi natijasini Davlat test markazining rasmiy veb sayti orqali bilish xizmati ham yo‘lga qo‘yildi. Buning uchun Test natijalari bo‘limiga kirib O‘RTA MAXSUS, KASB-HUNAR TA'LIMI MUASSASALARIDA O’TKAZILGAN SARALASH TEST SINOVLARI NATIJALARI”  sahifasining tegishli katakchasiga abituriyent o‘ziga tegishli javoblar varaqasi raqamini kiritishi lozim.

    Axborot xizmati

     2017-08-19

    Прочитали: 11907

    to'liqroq
  • TEST SINOVLARI NATIJALARI E`LON QILINDI

    Test sinovlari natijalarini result2017.dtm.uz havola orqali bilishingiz mumkin

    Axborot xizmati

     2017-08-15

    Прочитали: 112819

    to'liqroq
  • TEST SINOVI NATIJALARI 2017 YIL 15 AVGUST KUNI E'LON QILINADI

    2017 yilning 1 avgust kuni o‘tkazilgan oliy ta'lim muassasalariga qabul test sinovlarining natijalarini hisoblash ishlari yakuniga yetdi. Natijalar O‘zbekiston Respublikasi ta'lim muassasalariga qabul qilish bo‘yicha Davlat komissiyasining qaroriga ko‘ra respublikamizning barcha oliy ta'lim muassasalari qabul komissiyalari vakillariga belgilangan tartibda yetkazildi. Bu haqda ommaviy axborot vositalari orqali ham e'lon qilinadi.
    Abituriyentlar 2017 yil 15 avgust kuni soat 8.00 dan test sinovida to‘plagan ballarini qabul komissiyalarining e'lonlar taxtalarida joylashtirilgan test sinovi natijalari qaydnomalaridan bilib olishlari mumkin.

    Hurmatli abituriyentlar!
    Test sinovi natijasini mobil telefoni orqali bilib olish tizimi ham yo‘lga qo‘yilgan. Buning uchun mobil telefonlari orqali javoblar varaqangiz raqamini 5100 raqamiga SMS ko‘rinishida jo‘nating va to‘plagan umumiy ballaringizni, talabalikka tavsiya etilganingiz yoki tavsiya etilmaganliginigizni bilib oling.

    Test sinovi natijasini Davlat test markazining rasmiy veb sayti orqali bilish xizmati ham yo‘lga qo‘yildi. Buning uchun Test natijalari bo‘limiga kirib “OLIY TA'LIM MUASSASALARIGA TALABALARNI QABUL QILISH UCHUN O'TKAZILGAN TEST SINOVI NATIJALARI”  sahifasining tegishli katakchasiga abituriyent o‘ziga tegishli javoblar varaqasi raqamini kiritishi lozim.

    Axborot xizmati

     2017-08-14

    Прочитали: 33111

    to'liqroq
  • SERTIFIKATLAR TAQDIM ETILADI!

    O‘zbekiston Respublikasi Vazirlar Mahkamasining 2016 yil 7 apreldagi 107-sonli qarori bilan tasdiqlangan “Maktabgacha, umumiy o‘rta, o‘rta maxsus, kasb-hunar va maktabdan tashqari davlat ta'lim muassasalari pedagog kadrlarini attestatsiyadan o‘tkazish tartibi to‘g‘risida”gi Nizomda belgilangan tartibga asosanpedagog kadrlar tasdiqlagan malaka toifasi yoki lavozimi bo‘yicha sertifikatga ega bo‘lishilozim.

    Sertifikatlar oliy, birinchi, ikkinchi malaka toifali hamda bosh, yetakchi va katta o‘qituvchi lavozimlari uchun taqdim etiladi.

    Axborot xizmati

     

     

     

     2017-08-07

    Прочитали: 7804

    to'liqroq
  • 1 AVGUST KUNI QABUL TEST SINOVLARI O‘TKAZILDI

    O‘zbekiston Respublikasi Prezidentining “2017/2018 o‘quv yilida oliy ta'lim muassasalariga qabul to‘g‘risida”gi Qaroriga muvofiq 1 avgust kuni 59 oliy ta'lim muassasalari va ularning 12 ta filialida qabul test sinovlari o‘tkazildi.

    Joriy yilda oliy ta'lim muassasalariga 729 947 (2016 yilda – 663 304) nafar abituriyent hujjat topshirgan, shulardan 7 725 (2016 yilda – 7 521) nafari muddatli harbiy xizmatni tugatgan harbiy imtiyozga ega abituriyentlardir.

    O‘rtacha tanlov 1 o‘ringa 11,0 (2016 yilda – 11,05) tani tashkil etdi.

    Test sinovlarini o‘tkazish maqsadida 744 271 (2016 yilda – 676 ming) dona individual test savollari komplekti tayyorlandi.

    Test sinovlari 1 080 (2016 yilda – 889) ta binoda joylashgan maxsus 21 765 (2016 yilda – 19 830) ta auditoriyada o‘tkazildi. Davlat test markazi va tegishli xizmat organlari bilan hamkorlikda test sinovi o‘tkazish tartibiga so‘zsiz amal qilish bo‘yicha zarur choralar qabul qilindi.

    Jamoatchilik xavfsizligini ta'minlash uchun 17 317 (2016 yilda – 16 060) nafar ichki ishlar xodimlari, 1 848 (2016 yilda – 1 276) ta avtotransport vositalari (jumladan, 84 (2016 yilda – 33) ta yong‘inga qarshi ekipaj, 362 (2016 yilda – 326) dona tez tibbiy yordam  avtomashinalari) jalb qilindi.

    Test sinovlariga 11 698 (1,6 %) (2016 yilda – 5 163 (0,8%)) nafar abituriyent qatnashmadi, 2 764 (0,38 %) (2016 yilda – 714 (0,1%)) nafari test sinovi topshirish tartibini buzganligi sababli jarayondan chetlashtirildi.

    Test sinovlari jarayonida natijaga ta'sir etuvchi qoidabuzarlik holatlari qayd etilmadi. Test materiallari shu kunning o‘zida Davlat test markaziga yetkazildi.

    Axborot xizmati.

     2017-08-02

    Прочитали: 21789

    to'liqroq
  • ABITURIYENTLARNING VAZIFALARI, MAJBURIYATLARI VA HUQUQLARI

    Hurmatli abituriyentlar! Sizlar test sinovlarini muvaffaqiyatli topshirishingiz uchun test sinovlarni o‘tkazish tartib-qoidalarini, test jarayonida o‘zingizning vazifalaringiz, majburiyatlaringiz va huquqlaringizni aniq bilishingiz va test sinovlarini o‘tkazish tartibiga rioya qilishingiz talab etiladi.

    Abituriyentlar test sinovlari o‘tkaziladigan kuni bino hududiga soat 8.00 gacha, auditoriyaga soat 8.30 gacha faqat abituriyent ruxsatnomasi va pasporti bilan kiritiladi. Test sinovlari boshlangan (soat 8.30)dan keyin abituriyent auditoriyaga kiritilmaydi.

    Soat 8.30 dan 9.00 gacha abituriyentlar javoblar varaqasini to‘g‘ri to‘ldirish tartibi bilan tanishadilar va uning tegishli joyiga o‘zlari to‘g‘risidagi ma’lumotlarni yozadilar. Bu vaqt test o‘tkazish uchun ajratilgan vaqt me’yoriga kirmaydi.

    Test boshlangandan keyin hech kim auditoriyaga kiritilmaydi va test topshiriqlari bo‘yicha abituriyentlar bilan savol-javob qilinmaydi.

    Abituriyent javoblar varaqasi raqami bilan savollar kitobi raqamining bir-biriga mosligini va savollar kitobida fanlar bo‘yicha test savollarida tipografik xato yoki boshqa nuqsonlar yo‘qligini tekshiradi. Agar test savollarida nuqson bo‘lganda darhol bu haqda auditoriya rahbariga xabar beradi.

    Abituriyent javoblar varaqasi berilgandan keyin abituriyent ruxsatnomasi va titul varaqasining tegishli joylariga javoblar varaqasi raqamini ko‘chirib yozadi. 

    Abituriyent javoblar varaqasining 1-blokiga va savollar kitobi muqovasining belgilangan joyiga o‘zi haqidagi tegishli ma’lumotlarni yozib, imzo qo‘yadi. Agar abituriyent tomonidan ushbu ma’lumotlar kiritilmagan taqdirda, ixtiyoriy bosqichda dalolatnoma tuziladi va test sinovi bo‘yicha natija chiqarilmasligiga asos bo‘ladi.

    Savollar kitobidagi har bir fan 36 ta topshiriqni o‘z ichiga oladi.

    Abituriyentga test topshiriqlarini bajarish uchun quyidagi vaqt me’yorlari belgilanadi:

    72 savolga — 2 soat;

    108 savolga — 3 soat.

    Har bir savolga 4 tadan («A», «B», «C», «D») javoblar varianti berilgan bo‘lib, abituriyent ulardan faqat bittasini savollar kitobchasida belgilashi (savollar kitobida belgilangan javoblarni o‘zgartirish mumkin), keyinchalik javoblar varaqasining mos fan blokidagi doirachani belgilangan tartibda bo‘yashi kerak (javoblar varaqasida belgilangan javoblarni o‘zgartirish mumkin emas).

    Har bir test savoliga faqat bitta javob belgilanishi shart. Agar javoblar varaqasidagi «Belgilash uchun namuna» qoidasiga rioya etilmasa, jumladan bitta savolga javoblar varaqasida tegishli doiracha bo‘yalmasa yoki ikki va undan ortiq doiracha bo‘yalsa yoxud to‘liq bo‘yalmasa ushbu javobga ball berilmaydi.

    To‘ldirilgan javoblar varaqasi abituriyentning bilim darajasini belgilovchi asosiy hujjat hisoblanadi.

    Javoblar varaqasi abituriyent tomonidan havo rang pastali sharikli ruchka bilan to‘ldiriladi.

    Javoblar varaqasi to‘g‘ri to‘ldirilishi uchun abituriyent shaxsan javobgardir. Javoblar varaqasidagi tegishli doirachalarni noto‘g‘ri belgilagan abituriyentlarning e’tirozi ko‘rib chiqilmaydi.

    Javoblar varaqasini to‘ldirishga test sinovi uchun belgilangan vaqt me’yoriga qo‘shimcha 20 daqiqa ajratiladi.

    Abituriyent tomonidan uyali telefonlar va boshqa aloqa vositalarini olib kirish va foydalanish qat’iy man etiladi.

    Test sinovlari o‘tkaziladigan binoga kirishda abituriyent mikrokalkulyator, lug‘at, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilsa yoki olib kirgan bo‘lsa, test sinovlari davomida test materiallarini boshqa abituriyentga uzatsa yoki yordam bersa, abituriyent test sinovlarini o‘tkazish tartibini buzgan hisoblanadi va Davlat test markazi vakili tomonidan dalolatnoma tuzilib, u test jarayonidan chetlashtiriladi.

    Abituriyentlar diqqat qiling!  Test sinovlari o‘tkaziladigan binoga kirishda abituriyentda mikrokalkulyator, lug‘at, jadval, kitob, uyali telefon, kompyuter, telekommunikatsiya vositalari va shpargalkalar mavjudligi aniqlansa ular binoga kiritilmaydi va tegishli dalolatnoma tuzilib, test jarayonidan chetlashtiriladi.  

    Test sinovi jarayonida abituriyent tomonidan savollar kitobi varag‘i yirtib olinganligi aniqlansa, test sinovlarini topshirish qoidalari buzilgan hisoblanadi va test sinovidan chetlashtiriladi.

    Belgilangan vaqtda test sinovlariga kelmagan abituriyentlar uchun qo‘shimcha test sinovlari o‘tkazilmaydi.

    Test sinovlarini topshirish vaqtida abituriyentning auditoriyadan chiqishi taqiqlanadi, auditoriyadan chiqqan abituriyentlar qaytadan test sinovlariga qo‘yilmaydi, sog‘lig‘ining yomonlashishi va boshqa shu kabi holatlarda test materiallarisiz qavat bo‘yicha vakil kuzatuvi ostida auditoriyadan chiqish hollari bundan mustasno.

    Auditoriya rahbari tomonidan testni bajarish uchun ajratilgan vaqt tugagani va savollar kitobidan javoblar varaqasining mos doirachalariga bo‘yash uchun qo‘shimcha berilgan yigirma daqiqalik vaqt boshlanganligi e’lon qilinganda abituriyent savollar kitobi bilan ishlashni to‘xtatib, savollar kitobidan javoblar varaqasining mos  doirachalarini bo‘yashni boshlashi, qo‘shimcha ajratilgan vaqt tugagani e’lon qilinganda javoblar varaqasi bilan ishlashni to‘xtatishi shart.

    Abituriyent test savollari yoki test sinovlarini o‘tkazish jarayoni yuzasidan e’tirozlari mavjud bo‘lganda, test materiallarini topshirganidan so‘ng, shu kunning o‘zida qabul komissiyasi, Davlat test markazining ta’lim muassasasi yoki bino bo‘yicha vakili orqali Davlat test markaziga ariza bilan murojaat qilishi mumkin.

    To'ldirish namunalari bilan tanishish

    Axborot xizmati

     2017-07-28

    Прочитали: 9100

    to'liqroq
  • TEST SINOVLARIGA TAYYORGARLIK DAVOM ETMOQDA

    Joriy yil 1 avgust kuni oliy ta'lim muassasalarida o‘tkaziladigan test sinovlariga tayyorgarlik ishlari davom etmoqda.

    Vazirlar Mahkamasida Kompleksning 2017 yil 10 iyul kuni o‘tkazilgan yig‘ilishi Bayoni 7-bandida belgilangan topshiriqlar ijrosini ta'minlash maqsadida 17-19 iyul kunlari 1 avgustda respublika bo‘yicha test sinovi o‘tkazilishi rejalashtirilgan bino va auditoriyalar Davlat test markazi xodimlari tomonidan qo‘shimcha tarzda joylarda tekshiruvdan o‘tkazildi.

    Tekshiruv davomida bino va auditoriyalarni test sinovlariga tayyorlash bo‘yicha jiddiy va juz'iy kamchiliklar aniqlandi. Mazkur kamchiliklarni joyida bartaraf etish bo‘yicha amaliy ishlar amalga oshirildi va kamchiliklarning tuzatilishiga erishildi. To‘liq tayyor bo‘lishi uchun muddat talab etadigan binolar bo‘yicha ularni to‘liq tayyorlash muddatlari belgilandi.

    Axborot xizmati

     2017-07-24

    Прочитали: 7076

    to'liqroq
  • O‘ZBEKISTON RESPUBLIKASI QUROLLI KUCHLAR AKADEMIYASIGA VA TOSHKENT TIBBIYOT AKADEMIYASI HUZURIDAGI HARBIY-TIBBIYOT FAKULTETIGA NOMZODLARNI QABUL QILISH BO‘YICHA TEST SINOVLARI O‘TKAZILDI

    O‘zbekiston Respublikasi Prezidentining 2010 yil 4 avgustdagi “O‘zbekiston Respublikasi Qurolli Kuchlar Akademiyasini isloh qilish chora-tadbirlari haqida”gi PQ-1384s qarori ijrosi yuzasidan O‘zbekiston Respublikasi Mudofaa vazirligining 2017 yil 31 maydagi  “O‘zbekiston Respublikasi Qurolli Kuchlar Akademiyasiga kirish imtihonlarini o‘tkazish haqida”gi 529-son buyrug‘iga muvofiq hamda O‘zbekiston Respublikasi Adliya vazirligi tomonidan 2013 yil 29 iyulda 2496 raqami bilan ro‘yxatdan o‘tkazilgan Toshkent tibbiyot akademiyasi huzuridagi Harbiy-tibbiyot fakultetiga nomzodlarni qabul qilishda test sinovlarini tashkil etish va o‘tkazish tartibi to‘g‘risidagi nizomga muvofiq O‘zbekiston Respublikasi Qurolli Kuchlar Akademiyasiga va Toshkent tibbiyot akademiyasi huzuridagi Harbiy-tibbiyot fakultetiga nomzodlarni qabul qilish bo‘yicha test sinovlari o‘tkazildi.

    Axborot xizmati.

     2017-07-21

    Прочитали: 5285

    to'liqroq
  • TEST NATIJASI E'LON QILINADI

    O‘zbekiston Respublikasi Vazirlar Mahkamasining 2016 yil 7 apreldagi 107-sonli qarori bilan tasdiqlangan “Maktabgacha, umumiy o‘rta, o‘rta maxsus, kasb-hunar va maktabdan tashqari davlat ta'lim muassasalari pedagog kadrlarini attestatsiyadan o‘tkazish tartibi to‘g‘risida”gi Nizomning 44-bandiga asosan o‘tkazilgan test sinovlari natijasi 2017 yil 14 iyulda e'lon qilinadi.

    Axborot xizmati

     2017-07-11

    Прочитали: 71052

    to'liqroq
  • ABITURIYENTLAR DIQQATIGA

     

    HURMATLI ABITURIYENTLAR!

    Unutmang, test sinovi topshirish jarayonida belgilangan tartibga qat'iy rioya qiling. Test materiallari bilan ishlash qoidalarini mukammal o‘zlashtiring. Unda yo‘l qo‘yilgan birgina xato jarayonning keyingi bosqichlarida huquqingizni cheklab qo‘yishi mumkin.

    O‘tgan yillar davomida test sinovi topshirish jarayonida abiturientlar tomonidan eng ko‘p xatoga yo‘l qo‘yilgan holatlar va oqibatlari:

     

    1.Test sinovi topshirish jarayonida savollar kitobi va javoblar varag‘i raqamlarining bir-biriga mosligini tekshirmaslikbunday holat abiturient tomonidan to‘plangan umumiy ballar miqdorining pasayishiga sabab bo‘lishi mumkin. Unutmang, raqamlar mosligini tekshirish auditoriyada, test sinovi boshlangunga (9.00 ga) qadar amalga oshiriladi. Bunday holat test sinovi boshlangandan (9.00 dan) keyin aniqlansa, e'tiroz qabul qilinmaydi.

    2.Savollar kitobi muqovasining belgilangan joyiga familiyasi, ismi va sharifini yozmaslik, imzo qo‘ymaslik - bunday holat keyingi bosqichda (masalan, apellyasiya jarayonida) abiturient e'tirozinining ko‘rib chiqilmasligiga sabab bo‘ladi.

    3.Test topshiriqlarini yechishdan oldin savollar kitobini tekshirib chiqish shart aks holda abiturient tomonidan to‘plangan umumiy ballar miqdorining pasayishiga sabab bo‘lishi mumkin. Unutmang, savollar kitobini tekshirish auditoriyada, test sinovi boshlangunga (9.00 ga) qadar amalga oshiriladi. Bunday holat test sinovi boshlangandan (9.00 dan) keyin aniqlansa, e'tiroz qabul qilinmaydi.

    4.Javoblar varaqasining tegishli joyiga familiyasi, ismi va sharifini yozmaslik, imzo qo‘ymaslik - bunday holat keyingi bosqichda (masalan, apellyasiya jarayonida) abiturient e'tirozinining ko‘rib chiqilmasligiga sabab bo‘ladi.

    5.Javoblar varaqasining alohida joylari (marker chizig‘i, kodlangan doirachalar, shtrix kodlar) ustiga chizish, yozish - bunday holatda ushbu javoblar varaqasi texnik jihatdan yaroqsiz deb hisoblanishi va natija chiqarilmasligiga sabab bo‘ladi.

    6.Savollar kitobini yaroqsiz holga keltirish (yirtish, ichki betlarini ajratib olish va b.)  - bunday holat keyingi bosqichda (masalan, apellyasiya jarayonida) abiturient e'tirozinining ko‘rib chiqilmasligiga sabab bo‘ladi.

    7.Savollar kitobini topshirmaslik- bunday holat keyingi ixtiyoriy bosqichda dalolatnoma tuzish orqali chetlashtirishga, abiturient e'tirozinining ko‘rib chiqilmasligiga sabab bo‘ladi.

    8.Javoblar varag‘ini topshirmaslik- bunday holatda auditoriyalar taqsimotiga muvofiq test sinovi yakuni bo‘yicha qaytarib keltirilgan javoblar varaqalari bo‘yicha test sinovi natijalari hisoblanishi belgilanganligi bois, qaytarilmagan javoblar varaqalari bo‘yicha natija hisoblanmaydi va bu abiturient e'tirozinining ko‘rib chiqilmasligiga sabab bo‘ladi.

    9.Titul varaqasi va Abiturient ruxsatnomasining tegishli joyiga javoblar varag‘i raqamini ko‘chirmaslik yoki xato ko‘chirishlikbunday holat keyingi bosqichda (masalan, apellyasiya jarayonida) abiturient e'tirozinining ko‘rib chiqilmasligiga sabab bo‘ladi.

    10.Test materiallari (savollar kitobi va javoblar varaqasi)ni belgilangan vaqtda topshirmaslik, auditoriya nazoratchilarining test materiallarini topshirish haqidagi talabiga bo‘ysunmaslik – bunday holat abiturientning test sinovi jarayonidan chetlashtirilishiga sabab bo‘ladi.

    11.Test sinovlari o‘tkaziladigan binoga kirishda abiturient mikrokalkulyator, lug‘at, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilsabunday holat abiturientning test sinovi o‘tkaziladigan binoga kiritilmasligiga yoki test sinovi jarayonidan chetlashtirilishiga sabab bo‘ladi.

    12.Test materiallari (savolar kitobi, javoblar varag‘i)ni auditoriyadan tashqariga chiqarsa - bunday holat abiturientning test sinovi jarayonidan chetlashtirilishiga sabab bo‘ladi.

    13.Test sinovi topshirish jarayonida boshqalarga yordam bersa, yordam olsa - bunday holat abiturientning test sinovi jarayonidan chetlashtirilishiga sabab bo‘ladi.

    14.Savollar kitobida savollar 1 dan 108 gacha bo‘lgan ketma-ketlikda raqamlangan, lekin fanlar nomlari saqlab qolingan. Masalan, uchta fan bloki mavjud bo‘lgan savollar kitobida birinchi fan savollari 1 dan 36 gacha, ikkinchi fan savollari 37 dan 72 gacha, uchinchi fan savollari 73 dan 108 gacha sonlar shaklida raqamlandi.

    Javoblar varag‘ida javoblar belgilanadigan doirachalar 1 dan 108 gacha bo‘lgan ketma-ket sonlar bilan raqamlandi.

    Bunda abiturient savollar kitobida keltirilgan fanlar ketma-ketligi va raqamlar ketma-ketligida ishlashi talab etiladi. Masalan, 1-savol javobi javoblar varag‘ida 1-raqamli doirachaga, 10-savol javobi 10-javoblar doirachasiga, 100-savol javobi 100-javoblar doirachasiga, 108-savol javobi 108-javoblar doirachasiga bo‘yalishi shart - bunday tartibga rioya qilinmagan holatlarda abiturient tomonidan to‘plangan umumiy ballar miqdori past bo‘lishi mumkin. Unutmang, javoblar varag‘iga javoblarni belgilashda qaysi fan asosiy hisoblanishidan qati nazar, savollar kitobida keltirilgan fanlar nomining, savol va javoblar raqamlarining ketma-ketligiga e'tibor berish shart.

    15.Abiturientlarning auditoriyalar bo‘yicha ro‘yxati (7.2-shakl)dagi tegishli ustunga javoblar varag‘i raqamini yozmaslik va test materiallarini qabul qilib olganligi yoki topshirganligini qayd etish ustuniga imzo qo‘ymaslik - bunday holat keyingi bosqichda (masalan, apellyasiya jarayonida) abiturient e'tirozinining ko‘rib chiqilmasligiga sabab bo‘ladi.

    16.Apellyasiya shikoyatlarini ko‘rib chiqish apellyasiya komissiyasi tarkibi Davlat komissiyasi tomonidan tasdiqlanadi, apellyasiya shikoyati berish muddati natija e'lon qilingan kundan boshlab 15 kun qilib belgilangan, apellyasiya shikoyatini ko‘rib chiqishda abiturientning ota-onasi yoki ularning o‘rnini bosuvchilari ishtirok etmaydi, apellyasiya shikoyati abiturientning yozma javoblari asosida ko‘rib chiqiladi, savollar kitobi, javoblar varaqasi belgilangan tartibda to‘ldirilmagan, test sinovidan chetlashtirilgan yoki o‘zining javoblarini yozma ravishda bayon qilmagan abiturientning apellyasiya shikoyati ko‘rib chiqilmaydi, apellyasiya shikoyati ko‘rilayotgan auditoriyaga taqiqlangan vositalarni olib kirgan, jarayonga xalaqit bergan, yordam olgan va yordam bergan, savollar kitobini yirtgan abiturient chetlashtiriladi va e'tirozi ko‘rib chiqilmaydi.

    Unutmang! Davlat test markazi test sinovi topshirish jarayoni bilan bog‘liq faqat o‘zining vakolati doirasiga kiruvchi masalalar yuzasidan e'tirozlarni ko‘rib chiqadi.

     

    Axborot xizmati

     2017-07-07

    Прочитали: 78239

    to'liqroq
  • OLIY HARBIY TA'LIM MUASSASALARIDA TEST SINOVLARI BO‘LIB O‘TDI

    Joriy yilning 5 iyul kuni O‘zbekiston Respublikasi Mudofaa vazirligi, Ichki ishlar vazirligi, Milliy xavfsizlik xizmati va Davlat bojxona qo‘mitasiga qarashli jami 10 ta oliy harbiy ta'lim muassasasida test sinovlari o‘tkazildi. Test sinovlari O‘zbekiston Respublikasi Vazirlar Mahkamasining 2014 yil 3 iyundagi 141-sonli qarori bilan tasdiqlangan “O‘zbekiston Respublikasi oliy harbiy ta'lim muassasalariga tanlash tartibi va qabul qilish qoidalari to‘g‘risida Nizom” asosida amalga oshirildi.

    Oliy harbiy ta'lim muassasalariga xujjat topshirgan 7680 nafar abituriyent test sinovlariga ishtirok etdi. Ushbu muhim tadbirda 838 nafar davlat test markazi vakillari va auditoriya nazoratchilari jalb etildi. Test sinovlari barcha oliy harbiy ta'lim muassasalarida amaldagi tartibda belgilangan vaqtda boshlandi va yakunlandi.

    Axborot xizmati

     2017-07-05

    Прочитали: 11244

    to'liqroq

Pochta xizmati

Yangiliklar taqvimi
Oktabr 2017
 
DuSeChPaJuShYa
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
TASHRIFLAR TAHLILI
Obuna
Siz bizning yangiliklarga a`zo bo`lishingiz mumkin

Obuna bo`lish
Murojaat
Yagona interaktiv davlat xizmatlari portali orqali
Murojaat kelib tushdi 188
Yakunlangan 167
Qayta ishlash jarayonida 3
Rad etildi 18
Ishonch telefoni orqali
Murojaat kelib tushdi 715
Yakunlangan 715
(29.09.2017 yil holatiga)
SHRIFT O'LCHAMI
AXBOROT RESURSLARI
So'rovnoma
So'rovnoma