DAVLAT TEST MARKAZI

O'zbekiston Respublikasi Vazirlar Mahkamasi

DAVLAT TEST MARKAZI

Yangiliklar

RSS
  • BAYRAM MUNOSABATI BILAN TADBIR O`TKAZILDI

    O‘zbekiston Respublikasi Vazirlar Mahkamasining 2017 yil 1 iyuldagi 127-son qarori bilan tasdiqlangan O‘zbekiston Respublikasi Konstitutsiyasi qabul qilingan kunini nishonlash va o‘tkazish tadbirlar rejasiga muvofiq Davlat test markazida 2017 yil 11 dekabr kuni yig‘ilish o‘tkazildi. Tadbirda O‘zbekiston Respublikasi Konstitutsiyasini targ‘ib qilish bo‘yicha targ‘ibot guruhining a'zosi Toshkent davlat yuridik universiteti o‘qituvchisi Qurbonov Mirshod Rustamovich ishtirok etdi. Unda Davlat test markazi xodimlari uchun O‘zbekiston Respublikasi Konstitutsiyasi to‘g‘risida ma'ruza qilindi. Ma'ruza davomida tarixiy zarurat sifatida konstitutsiyamizning yaratilishi, dastlabki va keyingi shakllari, romano-german huquq tizimi, xalqchilligi, xalqaro tan olinganlik, oldingi yillarda va 2017-2021 yillarda O‘zbekiston Respublikasini rivojlantirishning Harakatlar strategiyasi asosida kiritilgan o‘zgartirish va qo‘shimchalar to‘g‘risida maxsus yaratilgan slaydlar orqali batafsil ma'lumotlar berildi. Qiziqarli o‘tgan tadbirda ishtirokchilar tomonidan berilgan savollarga ma'ruzachi aniq fakt va dalillar asosida to‘liq va batafsil javob qaytardi.

    Tadbir do‘stona va savol-javob ruhida o‘tdi.

    Axborot xizmati

     2017-12-11

    Прочитали: 249

    to'liqroq
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN TEST SINOVLARI E’LON QILINDI

    2017 yil 21-22 noyabr  kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli qarori asosida chet tili test sinovlari o’tkazildi.

    Test sinovining natijalari http//nsfla.uz-saytida e´lon qilindi.

    Test sinovlari CEFR talablari asosida  B1, B2   darajalari uchun ingliz tilidan, B2  darajalari  uchun    arab, koreys, xitoy va yapon  tillaridan o`tkazildi.

    79 nafar talabgorlardan 45 (57,0%) nafari ijobiy natijalarga erishdi, jumladan ingliz tili bo’yicha B1 darajasiga 6 nafar (60,0%), B2 darajasiga 24  nafar (50,0%), arab tili bo’yicha B1   darajasiga 1 nafar (100%), B2 darajasiga 8 nafar (61,5%), yapon tili bo’yicha B2 darajasiga 1 nafar (100%), koreys tili bo’yicha B2 darajasiga 3 nafar (100%), xitoy tili bo’yicha 2 nafar (66,7%).

    Ushbu test natijalari bo`yicha ijobiy natijaga erishgan nomzodlarga davlat namunasidagi sertifikatlar beriladi.

     Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat Test Markazining Chet tillarni bilish va egallash darajasini baholash boshqarmasi saytida (nsfla.uz) davom etmoqda.

    Axborot xizmati.

     2017-12-04

    Прочитали: 1111

    to'liqroq
  • DAVLAT TEST MARKAZI - «OXFORD UNIVERSITY PRESS»: HAMKORLIK YO‘LIDA

    2017 yil 28 noyabr kuni Davlat test markazi rahbariyati va ekspertlari «Oxford University Press»ning mintaqaviy menejeri Martin Kurtis, «Oxford University Press»ning Qirg‘izistondagi vakili Aida Ishenbaeva va “ZAR DONISH” xususiy korxonasi rahbari Shaira Avazova bilan uchrashuv bo‘lib o‘tdi.

    Davlat test markazi direktori M.M.Karimov mehmonlarni markazning asosiy vazifalari, oliy ta'lim muassasalariga kirish imtihonlarini tashkil qilish, test materiallari, shu jumladan CEFR tavsiyalari asosida tayyorlanishi bilan tanishtirdi.

    Martin Kurtis uchrashuv qatnashchilarini «Oxford University Press» faoliyati, yangi onlayn test tizimida “so‘zlash” mahoratini tekshirish imkoniyatlari borligi to‘g‘risida ma'lumot berdi.

     Aida Ishenbaeva «Oxford University Press»ning Qirg‘iziston Respublikasidagi faoliyati, oliy ta'lim muassasalariga kirish imtihonlari tizimi to‘g‘risida to‘htalib o‘tdi.

    Taraflar tajriba almashish, kelajakdagi hamkorlik to‘g‘risida o‘z fikr va mulohazalarini bildirdilar. Bu esa o‘z o‘rnida test materiallari va test tizimi sifati yaxshilanishi uchun yangi qadam bo‘lib xizmat qilishi kutilmoqda.

    Axborot xizmati.

     2017-11-30

    Прочитали: 807

    to'liqroq
  • YETAKCHI TESTOLOG BILAN IJODIY UCHRASHUV BO‘LIB O‘TDI

    2017 yilning 12-16 noyabr kunlari Britaniya Kengashi O‘zbekistonda “Ta'limdagi milliy reformani qo‘llab-quvvatlashda baholash tizimidagi yangi yondoshuvlar”  bo‘yicha trening tashkil etdi. Unda ishtirok etish uchun Davlat test markazi vakillari taklif etildi.

    Treningni o‘tkazish uchun jahondagi yetakchi testologlardan biri Rita Grin (Lankaster universitteti, BuyukBritaniya) taklif etilgan. Uning rahbarligida ko‘plab loyihalar, jumladan O‘zbekistonda ham amalga oshirilgan.

    Qabul testlarini takomillashtirish bo‘yicha loyiha O‘zbekiston Respublikasi Vazirlar Mahkamasi huzuridagi Davlat test markazi va Britaniya Kengashining qo‘shma tashabbusi bo‘lgan.

    Loyiha 2004-2007 yillarda ingliz tili bo‘yicha, 2006-2008 yillarda esa umumta'lim fanlar bo‘yicha amalga oshirilgan edi.

                Ushbu trening doirasida Davlat test markazi rahbariyati, Chet tilini bilish va egallash darajasini baholash boshqarmasi ekspertlari uchrashuvi bo‘lib o‘tdi. Chet tillari, umumta'lim fanlari bo‘yicha testlarni takomillashtirish, baholash vositasi sifatida testlar validliligini va ishonchliligini oshirish, ularni test sinovlarining xalqaro standartlariga moslashtirish masalalari bo‘yicha samarali fikr almashildi.

                Shuningdek, zamonaviy va samarali test o‘tkazish usullarini tadbiq  etish, test tuzuvchilarni tayyorlash, test topshiriqlarini sinovdan o‘tkazish, statistik ma'lumotlarni tahlil qilish muammolari ham muhokama qilindi.

                Uchrashuvda chet el mamlakatlarining yetakchi o‘quv va ilmiy muassasalarida Davlat test markazi ekspertlari malakasini oshirish masalalariga katta e'tibor berildi.

    Ushbu konstruktiv uchrashuv yakunida Davlat test markazi va Britaniya Kengashi test o‘tkazish jarayonlarini takomillashtirish bo‘yicha kelgusi hamkorligi to‘g‘risidagi kelishuvga erishildi.

    Axborot xizmati

     2017-11-24

    Прочитали: 1191

    to'liqroq
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN TEST SINOVLARI O’TKAZILDI

    2017 yil 21- 22 noyabr kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli Qarori asosida chet tili test sinovlari o’tkazildi.

    Test sinovlari CEFR talablari asosida  B1, B2  darajalari uchun ingliz tilidan, B2  darajalari  uchun, arab, koreys, xitoy va yapon  tillaridan o`tkazildi.

    21 noyabr kuni test sinovlarining yozma qismi (“tinglab tushunish”, “o`qish”, “yozish”), 22 noyabr kuni esa test sinovlarining “suhbat” qismi o`tkazildi.

    Test sinovlarida 79 nomzod ishtirok etdi.

    Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida davom etmoqda (nsfla.uz).

    Axborot xizmati

     2017-11-23

    Прочитали: 1188

    to'liqroq
  • OLIY TA'LIM MUASSASALARI DIQQATIGA!

    O‘zbekiston Respublikasi Vazirlar Mahkamasining 515-son qaroriga asosan Ta'lim sifatini nazorat qilish davlat inspeksiyasi tashkil etilganligi va idoraning yangi manzilga ko‘chirilishi munosabati bilan Oliy ta'lim muassasalari magistrlari va ularni tayyorlash bilan band bo‘lgan pedagog kadrlarning malaka darajasini baholashga oid test sinovlari hamda bakalavr bitiruvchi bosqich talabalari bilan ijtimoiy so‘rovlar o‘tkazish tadbiri boshqa muddatga ko‘chirilishini ma'lum qilamiz.

    Axborot xizmati

     2017-11-16

    Прочитали: 3042

    to'liqroq
  • HUJJATLARNI TAN OLISH VA NOSTRIFIKATSIYALASH BO‘YICHA EKSPERT KOMISSIYALARINING NAVBATDAGI YIG‘ILISHLARIDA KO‘RILGAN MASALALAR NATIJALARI TO‘G‘RISIDAGI MA‘LUMOTLAR

    Respublikamizda xorijiy davlatlarda ta'lim olganlik to‘g‘risidagi hujjatlarni nostrifikatsiyalash O‘zbekiston Respublikasi Vazirlar Mahkamasining 2000 yil 25 iyuldagi 283-son qarori bilan tasdiqlangan «Xorijiy davlatlarda ta'lim olganlik to‘g‘risidagi hujjatlarni tan olish va nostrifikatsiyalash (ekvivalentligini  qayd etish) tartibi to‘g‘risida Nizom» asosida amalga oshiriladi. Mazkur Nizom O‘zbekiston Respublikasining «Ta'lim to‘g‘risida»gi Qonuniga muvofiq ishlab chiqilgan bo‘lib, xorijiy davlatlarda ta'lim olganlik to‘g‘risidagi 1992 yil 1 yanvardan so‘ng berilgan hujjatlarni tan olish hamda ularni nostrifikatsiyalash (ekvivalentligini qayd etish) tartibini belgilaydi.

    Nizomning 22-bandiga muvofiq, Davlat test markazida Oliy va o‘rta maxsus ta'lim vazirligi, Xalq ta'limi vazirligi, Adliya vazirligi hamda boshqa manfaatdor vazirliklar va idoralar bilan birgalikda “Huquqshunoslik”, “Sog‘liqni saqlash va ijtimoiy ta'minot”, “Iqtisodiyot”, “Qishloq xo‘jaligi, muhandislik, ishlov berish va qurilish”, “O‘qituvchilar tayyorlash va pedagogik fanlar” sohalari bo‘yicha Ekspert komissiyalari tashkil etilgan.

    Sohalar bo‘yicha tashkil etilgan Ekspert komissiyalarining navbatdagi yig‘ilishlari 2017 yilning 23-27 oktyabr kunlari Davlat test markazida bo‘lib o‘tdi. 2017 yilning oktyabr oyi davomida Ekspert komissiyalari tomonidan xorijiy davlatlarda ta'lim olganlik to‘g‘risidagi 162 ta hujjat maxsus ekspertiza uchun qabul qilindi va ekspertlar tayinlanib, maxsus eksperitizadan o‘tkazishga berildi.

    Shuningdek, Ekspert komissiyalari tomonidan belgilangan maxsus sinovlarni test shaklida topshirish uchun oktyabr oyida jami 197 nafar talabgor ariza bilan murojaat qilgan bo‘lib, shundan, 147 nafari (74,6 foizi) sinovlarda ishtirok etdi. Sinovda ishtirok etganlarning 31 nafari (21,1 foizi) ijobiy baholangan.

    Ekspert komissiyalari tomonidan belgilab berilgan maxsus sinovlarni suhbat tarzida (og‘zaki) topshiradigan 81 nafar talabgorlardan arizalar qabul qilingan bo‘lib, shundan 73 nafari (90,1 foizi) suhbatda ishtirok etdi. Suhbatda ishtirok etganlarning 23 nafari (31,5 foizi)  Ekspert komissiyasi tomonidan ijobiy baholangan va ta'lim hujjatlarini nostrifikatsiyalashga tavsiya etilgan.

    Shu bilan birgalikda, 2017 yilning iyun oyida amaldagi Nizomning 7-bandiga asosan xorijiy davlatlarda ta'lim olganlik to‘g‘risidagi ta'lim hujjatlari to‘g‘ridan-to‘g‘ri (maxsus sinovlarsiz) nostrifikatsiyalash amalga oshiriladigan 29 nafar fuqarodan arizalar qabul qilingan va ularning hujjatlari to‘g‘ridan-to‘g‘ri (maxsus sinovlarsiz) nostrifikatsiyalash to‘g‘risidagi qaror qabul qilindi.

    Ekspert komissiyalarining navbatdagi yig‘ilishlari 2017 yilning 27 noyabr-1 dekabr kunlari Davlat test markazida bo‘lib o‘tishini ma'lum qilamiz.

    Axborot xizmati.

     2017-11-08

    Прочитали: 1740

    to'liqroq
  • OLIY O‘QUV YURTIDAN KEYINGI TA'LIMNI AMALGA OSHIRISHUVCHI ILMIY-TADQIQOT INSTITUTLARI ATTESTATSIYADAN O‘TKAZILMOQDA

    Davlat test markazi tomonidan 2017 yil oktyabr oyidan boshlab oliy o‘quv yurtidan keyingi ta'limni amalga oshiruvchi ilmiy tadqiqot institutlarining faoliyati attestatsiyadan o‘tkazila boshlandi. Attestatsiya jarayoniga so‘nggi 3 yildagi (2014-2016 yy.) bitiruvchilari tomonidan doktorlik dissertatsiyasi himoya qilingan oliy o‘quv yurtidan keyingi ta'limni amalga oshiruvchi ilmiy-tadqiqot institutlari jalb etilgan.

    Bugungi kunga qadar oliy o‘quv yurtidan keyingi ta'limni amalga oshiruvchi to‘rtta ilmiy-tadqiqot institutlari  attestatsiyadan o‘tkazildi. Joriy yilda yana uchta ilmiy-tadqiqot instituti attestatsiyasi o‘tkaziladi.

    Attestatsiya O‘zbekiston Respublikasi Bosh Vaziri tomonidan tasdiqlangan jadval asosida amalga oshirilmoqda.

    Axborot xizmati

     2017-10-31

    Прочитали: 1008

    to'liqroq
  • MUHAMMAD YUSUF NOMIDAGI IXTISOSLASHTIRILGAN MAKTABGA UQUVCHILAR QABULI BO‘YICHA TEST SINOVLARI O‘TKAZILDI

    O‘zbekiston Respublikasi Vazirlar Mahkamasining 2017 yil 25 iyulddagi “Andijon viloyatida Muhammad Yusuf nomidagi ona tili va adabiyoti fanlarini chuqurlashtirib o‘qitishga ixtisoslashtirilgan maktab va Muhammad Yusufning byusti o‘rnatilgan xiyobonni tashkil etish to‘g‘risida”gi 539-sonli qarorida belgilangan vazifalar ijrosini ta'minlash maqsadida Davlat test markazi tomonidan Andijon shahridagi Muhammad Yusuf nomidagi ona tili va adabiyoti fanlarini chuqurlashtirib o‘qitishga ixtisoslashtirilgan maktabining 5-8-sinfiga o‘quvchilarni qabul qilish uchun test sinovlarini 19 sentyabrda o‘tkazildi. Test sinovida 178 nafar o‘quvchi ishtirok etdi. Test sinovi belgilangan tartida o‘tkazildi va natijalari Andijon viloyati Xalq ta'limi boshqarmasiga topshirildi.

    Axborot xizmati

     2017-10-23

    Прочитали: 498

    to'liqroq
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN O`TKAZILGAN TEST SINOVLARI NATIJALARI E’LON QILINDI

    2017 yil 3-4 oktabr  kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli Qarori asosida chet tili test sinovlari o’tkazildi.

    Test sinovining natijalari http//nsfla.uz-saytida e´lon qilindi.

    Test sinovlari CEFR talablari asosida  B1, B2, С1  darajalari uchun ingliz tilidan, B2  darajalari  uchun   fransuz, nemis, arab, koreys va yapon  tillaridan o`tkazildi.

    96 nafar talabgorlardan 43 (44,8%) nafari ijobiy natijalarga erishdi, jumladan ingliz tili bo’yicha B1 darajasiga 4 nafar (57,1%), B2 darajasiga 26  nafar (54.2%), С1 darajasiga  2 nafar (18,2%), fransuz tili bo’yicha B2 darajasiga   1 nafar (100%), nemis tili bo’yicha B2 darajasiga 1 nafar (50%), arab tili bo’yicha B2 darajasiga 5 nafar (33,3%), yapon tili bo’yicha B2 darajasiga 2 nafar (33,3%), koreys tili bo’yicha B2 darajasiga 2 nafar (33,3%).

    Ushbu test natijalari bo`yicha ijobiy natijaga erishgan nomzodlarga davlat namunasidagi sertifikatlar beriladi.

     Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida (nsfla.uz) davom etmoqda.

    Axborot xizmati

     2017-10-16

    Прочитали: 2726

    to'liqroq
  • MAGISTRLAR TAYYORLOVCHI OTMLAR DIQQATIGA!

    O‘zbekiston Respublikasi Vazirlar Mahkamasining 2007 yil 10 sentyabrdagi 190-sonli qarori ijrosi yuzasidan Oliy ta'lim muassasalari magistrlari va ularni tayyorlash bilan band bo‘lgan pedagog kadrlarning malaka darajasini baholashga oid test sinovlari 2017 yil noyabr-dekabr oylarida o’tkazilishi rejalashtirilmoqda.

    Test sinovlari umummetodologik fanlar blokidagi “Axborot tizimlari”, “Хorijiy til” fanlaridan hamda  mutaxassislik fanlaridan o‘tkazilishi rejalashtirilmoqda. Test sinovlariga barcha bitiruvchi kurs magistratura talabalari va shu fanlardan dars beradigan professor-o‘qituvchilar jalb etiladi.

    Axborot xizmati

     2017-10-09

    Прочитали: 1392

    to'liqroq
  • CHET TILLARNI BILISH DARAJASINI ANIQLASH VA MALAKA SERTIFIKATLARINI BERISH UCHUN TEST SINOVLARI O’TKAZILADI

    2017 yil 3- 4 oktabr kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish  tartibi to’g’risida”gi 352-sonli Qarori asosida chet tili test sinovlari o’tkaziladi.

    Test sinovlari CEFR talablari asosida  B1, B2, С1  darajalari uchun ingliz tilidan, B2  darajalari  uchun   fransuz, nemis, arab, koreys va yapon  tillaridan o`tkazilаdi.

    3 oktabr kuni test sinovlarining yozma qismi (“tinglab tushunish”, “o`qish”, “yozish”), - 4  oktabr kuni esa test sinovlarining “suhbat” qismi o`tkazilаdi.

    Test sinovlarida 96 nomzod ishtirok etadi.

    Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida davom etmoqda (nsfla.uz).

    Axborot xizmati

     2017-10-02

    Прочитали: 2970

    to'liqroq
  • O’ZBEKISTON RESPUBLIKASI PREZIDENTINING DAVLAT STIPENDIYASIGA NOMZODLAR UCHUN TEST SINOVLARI O’TKAZILDI

    O’zbekiston Respublikasi Vazirlar Mahkamasining 2008 yil 13 oktyabrdagi “O’zbekiston iqtidorli yoshlarini taqdirlash va moddiy rag’batlantirish to’g’risida”gi 226 – sonli qarori ijrosini ta’minlash yuzasidan Oliy va o’rta maxsus ta’lim vazirligi va Davlat test markazining 2017 yil 15 sentyabrdagi 45 – Q/Q va 20 – Q/Q – sonli qo’shma qarori hamda Davlat test markazining 2017 yil 19 sentyabrdagi 01-443 – sonli buyrug’i asosida O’zbekiston Respublikasi Prezidentining davlat stipendiyasiga nomzod talabalarning bilim darajalarini aniqlash bo’yicha test sinovlari 2017 yilning 26 sentyabr kuni bo’lib o’tdi va test natijalari O’zbekiston Respublikasi Oliy va o’rta maxsus ta’lim vazirligiga taqdim etildi.

    Test sinovlariga jami 107 ta talabgor jalb qilindi.

     

    Axborot xizmati

     2017-09-28

    Прочитали: 1581

    to'liqroq
  • DAVLAT TEST MARKAZIDA APELLYASIYA JARAYONI TUGADI

    O‘zbekiston Respublikasi ta'lim muassasalari bakalavriatiga talabalarni qabul qilishda o‘tkazilgan test sinovlari natijalari bo‘yicha berilgan murojaatlar 2017 yilning 15 avgust kunidan boshlab 4 sentyabrga qadar test natidalaridan norozi bo‘lgan 4001 nafar abiturientlardan arizalar qabul qilindi. 

    Arizalar joriy yilning 18 avgust – 18 sentyabr kunlari O‘zbekiston Respublikasi ta'lim muassasalariga qabul qilish bo‘yicha Davlat komissiyasining 2017 yil 14 avgustdagi 6-son bayoni bilan tasdiqlangan fan ekspert guruhlari a'zolari tomonidan bevosita apellyasiya shikoyatini bergan abiturientlar ishtirokida ko‘rib chiqildi.

    Ariza bergan jami abiturientlarning 657 nafari apellyasiya jarayoniga kelmadi, 248 nafarining hujjatlarida kamchiliklar mavjudligi sababli, apellyasiya arizalari ko‘rib chiqilmadi, 1 nafar abiturient apellyasiya o‘tkazish tartibini buzganligi sababli, jarayondan chetlashtirildi.

    Ko‘rib chiqilgan arizalar yuzasidan tegishli hujjatlar rasmiylashtirildi va Davlat komissiyasiga taqdim etildi.

    Axborot xizmati

     2017-09-21

    Прочитали: 3954

    to'liqroq
  • XORIJIY DAVLATLARDA TA'LIM OLGANLIK TO‘G‘RISIDAGI HUJJATLARNI TAN OLISH VA NOSTRIFIKATSIYALASH (EKVIVALENTLIGINI QAYD ETISH) BO‘YICHA EKSPERT KOMISSIYALARINING NAVBATDAGI YIG‘ILISHLARI TO‘G‘RISIDAGI MA'LUMOTLAR

    Respublikamizda xorijiy davlatlarda ta'lim olganlik to‘g‘risidagi hujjatlarni nostrifikatsiyalash O‘zbekiston Respublikasi Vazirlar Mahkamasining 2000 yil 25 iyuldagi 283-son qarori bilan tasdiqlangan «Xorijiy davlatlarda ta'lim olganlik to‘g‘risidagi hujjatlarni tan olish va nostrifikatsiyalash (ekvivalentligini  qayd etish) tartibi to‘g‘risida Nizom» asosida amalga oshiriladi. Mazkur Nizom O‘zbekiston Respublikasining «Ta'lim to‘g‘risida»gi Qonuniga muvofiq ishlab chiqilgan bo‘lib, xorijiy davlatlarda ta'lim olganlik to‘g‘risidagi 1992 yil 1 yanvardan so‘ng berilgan hujjatlarni tan olish hamda ularni nostrifikatsiyalash (ekvivalentligini qayd etish) tartibini belgilaydi.

    Nizomning 22-bandiga muvofiq, Davlat test markazida Oliy va o‘rta maxsus ta'lim vazirligi, Xalq ta'limi vazirligi, Adliya vazirligi hamda boshqa manfaatdor vazirliklar va idoralar bilan birgalikda “Huquqshunoslik”, “Sog‘liqni saqlash va ijtimoiy ta'minot”, “Iqtisodiyot”, “Qishloq xo‘jaligi, muhandislik, ishlov berish va qurilish”, “O‘qituvchilar tayyorlash va pedagogik fanlar” sohalari bo‘yicha Ekspert komissiyalari tashkil etilgan.

    Sohalar bo‘yicha tashkil etilgan Ekspert komissiyalarining navbatdagi yig‘ilishlari 2017 yilning 25-29 sentyabr kunlari Davlat test markazida bo‘lib o‘tadi.

    Xorijiy davlatlarda ta'lim olganlik to‘g‘risidagi hujjatlarini nostrifikatsiyalash uchun Davlat test markaziga hujjat topshirgan hamda Ekspert komissiyalarining ijobiy xulosalari olingan va ta'lim muassasalariga yuborilgan so‘rov xatlariga ijobiy javob kelgan talabgorlar sentyabr oyida bo‘lib o‘tadigan maxsus sinovlarda ishtirok etish uchun 2017 yilning 20 sentyabriga qadar ariza bilan murojaat qilishlari mumkin.

    Ma'lumot o‘rnida, O‘zbekistoni Respublikasi Vazirlar Mahkamasining 2017 yil 18 iyuldagi 515-son qarorining 3-ilovasiga asosan o‘rta maxsus, kasb-hunar va oliy ta'lim to‘g‘risidagi hujjatlarni tan olish va nostrifikatsiyalash uchun amaldagi belgilangan eng kam ish oylik ish haqining ikki barobari miqdorida yig‘im undiriladi.

     

    Axborot xizmati

     2017-09-12

    Прочитали: 8526

    to'liqroq
  • BANK-MOLIYA AKADEMIYASIGA KIRISH TEST SINOVLARI O‘TKAZILDI

    O‘zbekiston Respublikasi Vazirlar Mahkamasining 2013 yil 16 sentabrdagi “O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomni tasdiqlash haqida”gi 255-sonli qarori ijrosi yuzasidan 2017 yil 10 sentabr kuni test sinovi o‘tkazildi.

    Test sinovlariga jalb qilingan jami 367 nafar talabgorlardan 358 nafari qatnashdi, 9 nafari turli sabablarga ko’ra test sinoviga kelmadi va 3 nafar talabgorlar test topshirish qoidalarini buzganligi uchun sinovdan chetlatildi.

    GMAT va IELTS sertibikatlariga ega bo’lgan 6 nafar talabgorlarga test sinovlarida imtiyozlar qo’llanib, ularga mutaxassislik fanlari yoki xorijiy tillardan eng yuqori ballar berildi.

    Test natijalari Bank-moliya akademiyasiga taqdim qilindi.

    Axborot xizmati

     2017-09-10

    Прочитали: 1526

    to'liqroq
  • O‘ZBEKISTON RESPUBLIKASI BANK-MOLIYA AKADEMIYASINING MAGISTRATURASIGA QABUL

    O‘zbekiston Respublikasi Vazirlar Mahkamasining 2013 yil 16 sentyabrdagi “O‘zbekiston Respublikasi Bank-moliya akademiyasi magistraturasiga qabul qilish tartibi to‘g‘risidagi Nizomni tasdiqlash haqida”gi 255-sonli qaroriga asosan O‘zbekiston Respublikasi Bank-moliya akademiyasi magistraturasiga qabul uchun test sinovlari 2017 yil 10 sentyabr kuni o‘tkazilishi rejalashtirilmoqda.

    Test sinovi «Mutaxassliklik», «Demokratik davlat va fuqarolik jamiyati qurish nazariyasi va amaliyoti asoslari» va «Ingliz tili» fanlaridan o‘tkaziladi.

     

    Axborot xizmati

     2017-09-02

    Прочитали: 1234

    to'liqroq
  • KORPORATIV BOSHQARUV ILMIY-TA'LIM MARKAZIDA BIZNESNI BOSHQARISH MAGISTRATURASIGA QABUL

    Davlat test markazi tomonidan 2017 yil 25 avgust kuni O‘zbekiston Respublikasi Korporativ boshqaruv ilmiy-ta'lim markazida Biznesni boshqarish magistraturasiga kiruvchilar uchun test sinovlar o‘tkazildi.

    Tadbirda 115 nafar nomzod ishtirok etdi. Test sinovi natijalari o‘z vaqtida hisoblandi va mas'ul vakillarga taqdim etildi.

     

    Axborot xizmati

     2017-08-26

    Прочитали: 1691

    to'liqroq
  • SARALASH TEST SINOVLARI O`TKAZILGAN O’RTA MAXSUS KASB-HUNAR TA’LIMI MUASSASALARI ABITURIYENTLARI VA ULARNING OTA-ONALARI DIQQATIGA!

    2017 yilning 15 avgust kuni o‘tkazilgan o’rta maxsus kasb-hunar ta’limi muassasalariga saralash test sinovlarining natijalarini hisoblash ishlari yakuniga yetdi. Abituriyentlar 2017 yil 20 avgust kuni saralash test sinovida to‘plagan ballarini qabul komissiyalarining e'lonlar taxtalarida joylashtirilgan saralash test sinovi natijalari qaydnomalaridan bilib olishlari mumkin.

    Hurmatli abituriyentlar!

    Saralash test sinovi natijasini mobil telefoni orqali bilib olish tizimi ham yo‘lga qo‘yilgan. Buning uchun mobil telefonlari orqali javoblar varaqangiz raqamini 5100 raqamiga SMS ko‘rinishida jo‘nating va to‘plagan umumiy ballaringizni, o’quvchilikka tavsiya etilganingiz yoki tavsiya etilmaganliginigizni bilib oling.

    Saralash test sinovi natijasini Davlat test markazining rasmiy veb sayti orqali bilish xizmati ham yo‘lga qo‘yildi. Buning uchun Test natijalari bo‘limiga kirib O‘RTA MAXSUS, KASB-HUNAR TA'LIMI MUASSASALARIDA O’TKAZILGAN SARALASH TEST SINOVLARI NATIJALARI”  sahifasining tegishli katakchasiga abituriyent o‘ziga tegishli javoblar varaqasi raqamini kiritishi lozim.

    Axborot xizmati

     2017-08-19

    Прочитали: 12356

    to'liqroq
  • TEST SINOVLARI NATIJALARI E`LON QILINDI

    Test sinovlari natijalarini result2017.dtm.uz havola orqali bilishingiz mumkin

    Axborot xizmati

     2017-08-15

    Прочитали: 114528

    to'liqroq

Pochta xizmati

Yangiliklar taqvimi
Febral 2017
 
DuSeChPaJuShYa
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          
TASHRIFLAR TAHLILI
Obuna
Siz bizning yangiliklarga a`zo bo`lishingiz mumkin

Obuna bo`lish
Murojaat
Yagona interaktiv davlat xizmatlari portali orqali
Murojaat kelib tushdi 225
Yakunlangan 186
Qayta ishlash jarayonida 2
Rad etildi 37
Ishonch telefoni orqali
Murojaat kelib tushdi 729
Yakunlangan 729
(13.12.2017 yil holatiga)
SHRIFT O'LCHAMI
AXBOROT RESURSLARI
So'rovnoma
So'rovnoma